Ապրանքների հաշվառում > Փաստաթղթեր

Առաքիչի պատվեր փաստաթուղթը նախատեսված է առաքիչի կողմից պահեստից կամ մեկ այլ առաքիչից ապրանքների պատվեր գրանցելու համար՝ մեքենայից վաճառք իրականացնելու նպատակով։

Փաստաթղթի Գլխավոր մասը պարունակում է հետևյալ դաշտերը.

Դաշտ	Նշանակություն
Փաստաթղթի N	Առաքիչի պատվեր փաստաթղթի համարը։ Համակարգն ավտոմատ առաջարկում է այս փաստաթղթի հերթական համարը: Ընդ որում՝ նոր փաստաթուղթ ավելացնելիս դաշտի արժեքը առաջարկվում է դատարկ, որը չփոփոխելու դեպքում փաստաթուղթը հիշելիս գրանցվում է ծրագրային հերթական համարը: Նոր փաստաթղթին վերագրվող համարի ընթացիկ արժեքը կարելի է տեսնել և խմբագրել Դրույթներ պատուհանի Փաստաթղթերի համարներ բաժնում:
Ամսաթիվ	Առաքիչի պատվեր փաստաթղթի ստեղծման ամսաթիվը: Համակարգն ավտոմատ առաջարկում է ընթացիկ ամսաթիվը:
Առևտրային գործակալ	Առևտրային գործակալը(առաքիչը), ում անունից գրացվում է Առաքիչի պատվերը։
Տեսակ	Տեսակ դաշտում կարելի է նշել թե որտեղից է(են) ապրանք(ներ)ը պատվիրվում։ Դաշտին կից ընտրման ցուցակում հնարավոր է ընտրել 0-Պատվիրել պահեստից և 1-Պատվիրել առաքիչից արժեքները։
Պահեստ/Առաքիչ	Պահեստը/Առաքիչը, որից ապրանք(ներ)ը պատվիրվում է(են): Առաջարկվում են Տեղեկատուների ձևավորում ենթահամակարգի Պահեստներ/Առևտրային գործակալներ տեղեկատուում սահմանված արժեքները։
Առաքման ամսաթիվ	Առաքիչի պատվերի առաքման ամսաթիվը։
Մեկնաբանություն	Մեկնաբանություն փաստաթղթի վերաբերյալ: Կարող է ընդունել արժեքներ Ստանդարտ մեկնաբանություններ տեղեկատուից։
Գնացուցակի տեսակ	Լռությամբ առաջարկվում է Ընդհանուր էջում նշված Գնորդին կցված Գնացուցակի տեսակը։ Դաշտի արժեքը հնարավոր է խմբագրել, եթե տվյալ օգտագործողի համար Դրույթների Իրավասություններ և ստուգումներ բաժնի Գնացուցակի տեսակի խմբագրման իրավասությունը Վաճառքի համար տրված է:
Ստեղծման եղանակ	Առաքիչի պատվեր փաստաթղթի ստեղծման եղանակը։ Հնարավոր է ընտրել ստեղծման՝ Այցով, Զանգով, Էլ․փոստով կամ b2b.armsoft հարթակից տարբերակներից որևէ մեկը։ Առաքիչի պատվեր փաստաթուղթը շարժական մասից ստանալիս դաշտն ավտոմատ ընդունում է Այցով արժեքը։
Գծիկավոր կոդ (F2)	Ապրանքի գծիկավոր կոդը: Դաշտի արժեքը կարելի է մուտքագրել ստեղնաշարից կամ կիրառել գծիկավոր կոդ կարդացող սկաներ` ապրանքների ընտրման ճշտությունն ապահովելու համար: F2 ստեղնի միջոցով կարելի է արագորեն անցում կատարել այս դաշտ:

Առաքիչի պատվեր փաստաթղթի տեսքը հետևյալն է.

VanAgentOrder

Ապրանքներ ցուցակում լրացվում է գնացուցակի տեսակը, պատվիրվող ապրանքի կոդը, անվանումը, չափման միավորը, քանակը, քանակը լրացուցիչ չափման միավորով, գինը, գումարը և լրացուցիչ տեղեկություն։ Ցուցակը լրացնելու համար նախատեսված են նոր տող ավելացնելու , ընթացիկ տողը հեռացնելու , ընթացիկ տողը պատճենելու և ապրանքների ցուցակից ապրանքներ ավելացնելու կոճակներ: Աշխատանքը ցուցակում նկարագրված է Աշխատանք փաստաթղթում գտնվող ցուցակների հետ բաժնում:

Տարաներ էջի տեսքը հետևյալն է.

VanAgentOrder_Containers

Տարաներ աղյուսակում լրացվում է պահեստ մուտքագրվող տարայի կոդը, անվանումը, չափման միավորը, քանակը, քանակը լրացուցիչ չափման միավորով, գինը, գումարը և լրացուցիչ տեղեկություն։ Ցուցակը լրացնելու համար նախատեսված են նոր տող ավելացնելու , ընթացիկ տողը հեռացնելու , ընթացիկ տողը պատճենելու և ապրանքների ցուցակից ապրանքներ ավելացնելու կոճակները: Աշխատանքը ցուցակում նկարագրված է Աշխատանք փաստաթղթում գտնվող ցուցակների հետ բաժնում:

Առաքիչի պատվերներ թղթապանակի ընթացիկ տողին վերաբերող գործողություններն են․

•Ավելացնել. ավելացնել նոր փաստաթուղթ:

•Բացել. բացել/խմբագրել փաստաթուղթը:

•Դիտել տպելու ձևը. դիտել փաստաթղթի տպվող տեսքը:

•Հեռացնել. հեռացնել փաստաթուղթը:

•Պատճենել. ստեղծել նոր նմանատիպ փաստաթուղթ` ընթացիկ փաստաթղթի տվյալներով լրացված:

•Պատմություն. բերվում է հաշվետվություն փաստաթղթի գրանցման և խմբագրման վերաբերյալ։

•Ավելացնել/Հեռացնել/Դիտել ապրանքների տրամադրում(ներ) առաքիչին/առաքիչից. Առաքիչի պատվեր(ներ) փաստաթղթ(եր)ի հիման վրա ստեղծել/հեռացնել/դիտել Ապրանքների տրամադրում(ներ) առաքիչին/առաքիչից:

•Ավելացնել/Հեռացնել/Դիտել ապրանքների տեղաշարժ(եր) ըստ առաքիչների. Առաքիչի պատվեր(ներ) փաստաթղթ(եր)ի հիման վրա ստեղծել/հեռացնել/դիտել Ապրանքների տեղաշարժ(եր) ըստ առաքիչների:

Նշում

Առաքիչի պատվեր փաստաթուղթը կարելի է ներմուծել MS Excel-ի CourierOrder.xlsm ֆայի միջոցով, որը գտնվում է ImportTemplates գրադարանում (Օրինակ՝ C:\Program Files (x86)\Armenian Software\AS-Sales Management 7\ImportTemplates):