Ապրանքների գույքագրում փաստաթղթի միջոցով կատարվում է Գնորդներին վաճառված/ի պահ հանձնված ապրանքների մնացորդների գույքագրումը:
Ապրանքների գույքագրում փաստաթուղթը հնարավոր է ստեղծել ինչպես շարժական մասում, այնպես էլ գրասենյակում։
Փաստաթղթի Գլխավոր մասը պարունակում է հետևյալ դաշտերը.
Դաշտ |
Նշանակություն |
Փաստաթղթի N |
Ապրանքների գույքագրում փաստաթղթի համարը: Համակարգն ավտոմատ առաջարկում է այս փաստաթղթի հերթական համարը: Նոր փաստաթղթին վերագրվող համարի ընթացիկ արժեքը կարելի է տեսնել և խմբագրել Դրույթներ պատուհանի Փաստաթղթերի համարներ էջում: |
Ամսաթիվ |
Ապրանքների գույքագրում փաստաթղթի ստեղծման ամսաթիվը: Համակարգն ավտոմատ առաջարկում է ընթացիկ ամսաթիվը: |
Առևտրային գործակալ |
Առևտրային գործակալն, ում անունով ձևակերպվում է Ապրանքների գույքագրում փաստաթուղթը։ |
Ընդհանուր էջի տեսքը հետևյալն է.
Փաստաթղթի Ընդհանուր էջը պարունակում է հետևյալ դաշտերը.
Դաշտ |
Նշանակություն |
Վաճառքի գոտի |
Ընտրվում է Վաճառքի գոտիներ տեղեկատուում լրացված արժեքներից։ Առևտրային գործակալ դաշտը լրացված լինելու դեպքում ավտոմատ լրացվում է առևտրային գործակալին կցված հիմնական վաճառքի գոտին։ |
Գնորդ |
Գնորդը, որի համար ձևակերպվում է Ապրանքների գույքագրում փաստաթուղթը։ Կարող է ընդունել արժեքներ Գնորդներ տեղեկատուից։ |
Մեկնաբանություն |
Մեկնաբանություն փաստաթղթի վերաբերյալ: Կարող է ընդունել արժեքներ Ստանդարտ մեկնաբանություններ տեղեկատուից: |
Փաստաթղթի Ապրանքներ էջն ունի հետևյալ տեսքը.
Փաստաթղթի Ապրանքներ էջը պարունակում է.
Դաշտ |
Նշանակություն |
Ապրանքներ աղյուսակ |
Ապրանքներ աղյուսակում լրացվում է գույքագրվող ապրանքի կոդը, անվանումը, չափման միավորը, առկա է, թե ոչ, քանակը, գինը, մրցակից ապրանքի գինը և լրացուցիչ տեղեկություն: Ցուցակը լրացնելու համար նախատեսված են նոր տող ավելացնելու , ընթացիկ տողը հեռացնելու և պատճենելու կոճակներ: |
Աշխատանքը ցուցակում նկարագրված է Աշխատանք փաստաթղթում գտնվող ցուցակների հետ բաժնում:
Փաստաթղթի Լրացուցիչ էջն ունի հետևյալ տեսքը.
Փաստաթղթի Լրացուցիչ էջը պարունակում է հետևյալ դաշտերը.
Դաշտ |
Նշանակություն |
Փաստաթղթի խումբ |
Փաստաթղթերը հնարավոր է դասակարգել ըստ խմբերի։ Կարող է ընդունել արժեքներ Փաստաթղթի խմբեր տեղեկատուից։ |
Ստեղծման եղանակ |
Ապրանքների գույքագրում փաստաթղթի ստեղծման եղանակը։ Հնարավոր է ընտրել ստեղծման՝ Այցով, Զանգով, Էլ․փոստով կամ b2b.armsoft հարթակից տարբերակներից որևէ մեկը։ Ապրանքների գույքագրում փաստաթուղթը շարժական մասից ստանալիս դաշտն ավտոմատ ընդունում է Այցով արժեքը։ |
Կոնտակտ |
Գնորդի Կոնտակտը․ ընտրման ցուցակում առաջարկվում են Գնորդին կցված Կոնտակները։ |
Պլանոգրամի տեսակ |
Ապրանքների ներկայացվածության գնահատման Պլանոգրամի տեսակը։ Դաշտին կից ընտրման ցուցակում առաջարկվում են Պլանոգրամի տեսակներ տեղեկատուում սահմանված արժեքները։ |
Ապրանքների գույքագրումներ թղթապանակի ընթացիկ տողին վերաբերող գործողություններն են.
•Ավելացնել. ավելացնել նոր փաստաթուղթ:
•Բացել. բացել/խմբագրել փաստաթուղթը:
•Դիտել տպելու ձևը. դիտել փաստաթղթի տպվող տեսքը:
•Հեռացնել. հեռացնել փաստաթուղթը:
•Պատճենել. ստեղծել նոր նմանատիպ փաստաթուղթ` ընթացիկ փաստաթղթի տվյալներով լրացված:
•Պատմություն. բերվում է հաշվետվություն փաստաթղթի գրանցման և խմբագրման վերաբերյալ:
•Դիտել կցված նկարները․ դիտել փաստաթղթերին կցված նկար(ներ)ը։
•Կցված ֆայլերը դարձնել հղումներ․ փաստաթղթերին կցված նկար(ներ)ը պահպանել նշված թղթապանակում։ Ընդ որում՝ հրամանից բացվող երկխոսության պատուհանի Ճանապարհ դաշտի լռութամբ արժեքը հնարավոր է սահմանել ծրագրի Դրույթների Ընդհանուր էջի Կցված ֆայլերը հղում դարձնելու ցանցային թղթապանակ պարամետրով։
Նշում |
Ապրանքների գույքագրումներ փաստաթուղթը կարելի է ներմուծել MS Excel-ի ProductsInventory.xlsm ֆայի միջոցով, որը գտնվում է ImportTemplates գրադարանում (Օրինակ` C:\Program Files (x86)\Armenian Software\AS-Sales Management 7\ImportTemplates): |