Ապրանքների շուկայական առաջխաղացում > Փաստաթղթեր

Առաջադրանքներ փաստաթղթի միջոցով հնարավոր է սահմանել առևտրային գործակալներին որոշակի հանձնարարություններ և հետևել դրանց կատարմանը:

Առաջադրանքներ փաստաթուղթը հնարավոր է ստեղծել ինչպես շարժական մասում, այնպես էլ գրասենյակում։

Առաջադրանք փաստաթուղթն ունի հետևյալ տեսքը.

Tasks

Փաստաթուղթը պարունակում է հետևյալ դաշտերը.

Դաշտ	Նշանակություն
Փաստաթղթի N	Առաջադրանք փաստաթղթի համարը։ Համակարգն ավտոմատ առաջարկում է այս փաստաթղթի հերթական համարը: Նոր փաստաթղթին վերագրվող համարի ընթացիկ արժեքը կարելի է տեսնել և խմբագրել Դրույթներ պատուհանի Փաստաթղթերի համարներ էջում:
Սկիզբ	Առաջադրանքի սկիզբը:
Ավարտ	Առաջադրանքի ավարտը: Ավարտ դաշտի ժամն առաջարկում է Դրույթների Ընդհանուր էջի Առաջադրանքի առաջարկվող տևողություն ժամերով պարամետրից կախված:
Տեսակ	Առաջադրանքի տեսակը: Կարող է ընդունել արժեքներ Առաջադրանքի տեսակներ տեղեկատուից։
Առաջնայնություն	Սահմանվում է Առաջադրանքի կարևորության աստիճանը: Կարող է ընդունել հետևայլ արժեքները՝ Կրիտիկական, Բարձր, Միջին և Ցածր։
Գնորդ	Գնորդը, որի մոտ պետք է կատարվի առաջադրանքը: Կարող է ընդունել արժեքներ Գնորդներ տեղեկատուից։
Կատարող գործակալ	Առևտրային գործակալը, ում համար ստեղծվում է Առաջադրանք փաստաթուղթը։
Ստեղծող գործակալ	Առևտրային գործակալը, ով շարժական մասից ստեղծել է Առաջադրանք փաստաթուղթը։
Նշումներ	Հնարավոր է սահմանել Առաջադրանքի կատարման մանրամասներ:
Կատարած աշխատանքի նշումեր	Առաջադրանքը Կատարող գործակալի կողմից կատարված նշումները։
Կատարված	Առաջադրանքը կատարվելու դեպքում նշիչը դնելուց հետո ավտոմատ կերպով կնշվի կատարման ամսաթիվը և ժամը:
Ստեղծման եղանակ	Սահմանվում է Առաջադրանք փաստաթղթի ստեղծման եղանակը։ Ընտրման ցուցակում առաջարկվում են Այցով, Զանգով, Էլ․փոստով կամ b2b.armsoft հարթակից տարբերակները։ Առաջադրանք փաստաթուղթը շարժական մասից ստանալիս դաշտն ավտոմատ ընդունում է Այցով արժեքը:

Առաջադրանքներ թղթապանակի ընթացիկ տողին վերաբերող գործողություններն են.

•Ավելացնել. ավելացնել նոր փաստաթուղթ:

•Բացել. բացել/խմբագրել փաստաթուղթը:

•Հեռացնել. հեռացնել փաստաթուղթը:

•Պատճենել. ստեղծել նոր նմանատիպ փաստաթուղթ` ընթացիկ փաստաթղթի տվյալներով լրացված:

•Պատմություն. բերվում է հաշվետվություն փաստաթղթի գրանցման և խմբագրման վերաբերյալ:

•Դիտել կցված նկարները․ դիտել փաստաթղթերին կցված նկար(ներ)ը։

•Կցված ֆայլերը դարձնել հղումներ․ փաստաթղթերին կցված նկար(ներ)ը պահպանել նշված թղթապանակում։ Ընդ որում՝ հրամանից բացվող երկխոսության պատուհանի Ճանապարհ դաշտի լռութամբ արժեքը հնարավոր է սահմանել ծրագրի Դրույթների Ընդհանուր էջի Կցված ֆայլերը հղում դարձնելու ցանցային թղթապանակ պարամետրով։

•Ավելացնել նախատեսվող երթուղուն. ավելանում է ստեղծված Նախատեսվող երթուղի փաստաթղթին։

Նշում

Առաջադրանք փաստաթուղթը կարելի է ներմուծել MS Excel-ի Task.xlsm ֆայի միջոցով, որը գտնվում է ImportTemplates գրադարանում (Օրինակ` C:\Program Files (x86)\Armenian Software\AS-Sales Management 7\ImportTemplates):