Աշխատավարձ > Փաստաթղթեր > Բացակայություններ

Որոշ հնարավորություններ, որոնք նկարագրված են տվյալ բաժնում, հասանելի են միայն ՀԾ-Հաշվապահ 9 տարբերակում:

Այս փաստաթուղթը նախատեսված է աշխատակցի բացակայությունները գրանցելու համար: Բացակայությունների գրանցումներն օգտագործվում են Հաստատել հավելում/պահում փաստաթղթի, արձակուրդայինի հաշվարկի և վերջնահաշվարկի ժամանակ` աշխատած օրերի հաշվարկման համար և միջին աշխատավարձը որոշելիս:

Այս փաստաթուղթն ունի հետևյալ տեսքը.

Salary.Documents.Absences

Դաշտ	Նշանակություն
Ամսաթիվ	Փաստաթղթի ստեղծման ամսաթիվը: Համակարգն ավտոմատ առաջարկում է ընթացիկ ամսաթիվը: Պարտադիր լրացվող դաշտ է:
Փաստաթղթի N	Բացակայություններ փաստաթղթի համարը: Համակարգն ավտոմատ առաջարկում է Դրույթներում նշված հերթական համարը: Այն առաջարկվում է նաև` սեղմելով CTRL+M ստեղների համադրությունը կամ դաշտին կից կոճակը:
Բացակայության տեսակ	Նշվում է բացակայությունը հարգելի է, թե անհարգելի: Պարտադիր լրացվող դաշտ է: Կարող է ընդունել Հարգելի չվճարվող բացակայություն կամ Անհարգելի չվճարվող բացակայություն արժեքները: Համակարգի կողմից Արձակուրդայինի հաշվարկ կամ Վերջնահաշվարկ կատարելիս առաջարկվում է հաշվի չառնել համապատասխան ամիսը միջին աշխատավարձի հաշվարկի ժամանակ, եթե այդ ամսվա մեջ աշխատակիցն ունի Հարգելի չվճարվող բացակայություն: Անհարգելի չվճարվող բացակայություն ունենալու դեպքում տվյալ ամիսը ներառվում է միջին աշխատավարձի հաշվարկի մեջ:
Լրացման ձև (Հասանելի է միայն 9-րդ տարբերակում)	Նշվում է բացակայության լրացման ձևը` 1. Ըստ ժամանակահատվածի կամ 2. Ըստ օրերի: Պարտադիր լրացվող դաշտ է: Ըստ ժամանակահատվածի ընտրելու դեպքում նշվում է բացակայության ժամանակահատվածը, և այդ ժամանակահատվածի օրերը հանվում են հաստատել հավելում/պահում փաստաթղի օրերի քանակից:
Ստորաբաժանում	Լրացվում է ստորաբաժանման կոդը: Լրացված ստորաբաժանման բոլոր աշխատակիցների համար կգրանցվի բացակայություն:
Մեկնաբանություն	Փաստաթղթի վերաբերյալ մեկնաբանություն:
Աշխատակից	Նշվում է աշխատակցի տաբելային համարը, որի համար պետք է գրանցվի բացակայությունը:

Ցուցակում տող ստեղծելու և հեռացնելու համար նախատեսված են հետևյալ ստեղները.

Պատկեր	Նշանակություն
	Ավելացնել նոր տող:
	Ցուցակում ավելացնել նոր տող` պատճենելով ընթացիկ տողի արժեքները:
	Հեռացնել ընթացիկ տողը:

Լրացնել կոճակը սեղմելիս` Աշխատակիցներ ցուցակում լրացվում են նշված ստորաբաժանման աշխատակիցները, ստորաբաժանում նշված չլինելու դեպքում` կազմակերպության բոլոր աշխատակիցները: Այդ ցուցակում սյուներն ունեն հետևյալ նշանակությունները.

Սյուն	Նշանակություն
Ստորաբաժանում	Լրացվում է ստորաբաժանման կոդը:
Տաբելային համար	Նշվում է աշխատակցի տաբելային համարը:
Անվանում	Լրացվում է աշխատակցի անուն, ազգանուն, հայրանունը:
Սկիզբ	Լրացվում է բացակայության ժամանակահատվածի սկիզբը: Դաշտը առկա է, եթե բացակայության Լրացման ձևը նշված է ըստ ժամանակահատվածի:
Ավարտ	Լրացվում է բացակայության ժամանակահատվածի ավարտը: Դաշտը առկա է, եթե բացակայության Լրացման ձևը նշված է ըստ ժամանակահատվածի:
Օր	Նշվում է աշխատակցի բացակայած օրերի քանակը:

Բացակայություններ փաստաթուղթը կարելի է գրանցել նաև Աշխատանք աշխատակիցների հետ մատյանի կոնտեքստային ցանկից: Այս դեպքում փաստաթուղթը կարելի է գրանցել նաև նշված տողերի աշխատակիցների համար: