Բանկ > Մատյաններ > Ֆայլից ներմուծված գործառնություններ

Մատյանում արտացոլվում են հաշվետու ժամանակահատվածում ԻնտերնետԲանկ համակարգից ներմուծված գործառնությունները:

Այս մատյանը ստեղծելու համար բերվող դիալոգ պատուհանն ունի հետևյալ դաշտերը.

Դաշտ	Նշանակություն
Ժամանակահատված	Պարտադիր լրացվող ամսաթիվ տիպի դաշտերի զույգ է: Մատյանում կընդգրկվեն միայն այդ ժամանակահատվածում գրանցված փաստաթղթերը:
Հաշվարկային հաշիվ	Մատյանում կընդգրկվեն միայն նշված հաշվարկային հաշվի հետ կապված փաստաթղթերը:
Արտարժույթ	Լրացվում է արժույթը, ըստ որի կառուցվում է հաշվետվությունը:

Այս հաշվետվության ընթացիկ կամ նշված տողերի համար կոնտեքստային ցանկից հրամանները հետևյալն են.

•Համապատասխանեցնել փաստաթուղթը. գործառնությանը փաստաթուղթ համապատասխանեցնելու համար բացվում է դիալոգ պատուհան, որից, ընտրելով Ժամանակահատվածը, Փաստաթղթի տեսակը և Գործընկերոջը, նշվում է համապատասխան Հիշարար օրդերը, Վճարման հանձնարարագիրը, Դրամարկղի ելքի օդերը, Դրամարկղի մուտքի օդերը կամ Արտարժույթի փոխարկումը:

•Ստեղծել հիշարար օրդեր. ներմուծված գործառնությունների հիման վրա ստեղծել Հիշարար օրդեր փաստաթուղթը, որի համապատասխան դաշտերում ավտոմատ կլրացվի տվյալ տողերի ինֆորմացիան: Ընտրված տողերի համար կարելի է ստեղծել Հիշարար օրդեր փաստաթուղթը, եթե նշված գործառնությունների ամսաթիվը նույնն է: Եթե Գործընկերներ տեղեկատուում գոյություն ունի գործընկեր, որի հաշվարկային հաշիվը համընկնում է Վճարողի հաշվ.N դաշտում նշված հաշվարկային հաշվի հետ, ապա այդ գործընկերոջ կոդն ավտոմատ լրացվում է հիշարար օրդերի կրեդիտային հաշվի Գործընկեր դաշտում:

•Խզել համապատասխանեցումը. Խզվում է կապը համապատասխանեցված փաստաթղթի հետ:

•Բացել համապատասխանեցված փաստաթուղթը. Բացվում է գործառնությանը համապատասխանեցված փաստաթուղթը:

Ցանկացած պահի թարմացնել (CTRL+R) սեղմելով` կստանաք նոր, թարմացված մատյանն ըստ նշված ժամանակահատվածի: