Ուղղորդիչ:  Հաշվապահություն > Հաշվետվություններ > T-հաշիվ

T-հաշիվ հաշվետվությունը նախատեսված է որևԷ հաշվի մասին T-հաշվի ձևով տեղեկատվություն ստանալու համար: Այս հաշվետվությունը ստեղծելու համար բերվող դիալոգ պատուհանն ունի հետևյալ դաշտերը.

 

 

T-հաշիվ ձևով արտապատկերվում է ընտրված հաշվի մնացորդը նշված ժամանակահատվածի սկզբում, այնուհետև յուրաքանչյուր տողում երևում են այդ հաշվի դեբետային և կրեդիտային շրջանառությունն ըստ այն հաշիվների, որոնց հետ թղթակցել Է ընտրված հաշիվն այդ ժամանակահատվածում և վերջում` մնացորդն այդ ժամանակահատվածի վերջում: Տեղեկանքում արտապատկերված են գործառնության ամսաթիվն ու գումարը, վերջինիս դիրքով է որոշվում ընտրված հաշիվը դեբետում Է, թե կրեդիտում: Էկրանի հաջորդ դրվագում արտապատկերված են փաստաթղթի համարը, անալիտիկան և գործառնության մեկնաբանությունը:

T-հաշիվ հաշվետվությունը կարելի է ստանալ նաև կուտակիչ հաշիվների համար: Այդ դեպքում առաջին դրվագում ամսաթվից հետո բերվում են գործառնության դեբետ և կրեդիտ հաշիվները:

T-հաշիվ հաշվետվության յուրաքանչյուր տողի կոնտեքստային ցանկի համապատասխան հրահանգն ընտրելով` կարելի է խմբագրել, հեռացնել կամ պատճենել այն փաստաթուղթը, որի միջոցով գրանցվել է տվյալ գործառնությունը:

T-հաշիվ ձևով հաշվետվությունը կարելի է կանչել Հաշվետվություններ ենթացանկից, ինչպես նաև Մնացորդներ և Շրջանառություն հաշվետվությունների տողերի կոնտեքստային ցանկից: Այս վերջին դեպքերում T-հաշիվ ձևով հաշվետվությունը կարելի է ստանալ նաև նշված տողերի համար, որի ժամանակ T-հաշիվ հաշվետվությունը ստեղծելու համար բերվող դիալոգ պատուհանից բացակայում են Հաշիվ և Արժույթ դաշտերը, քանի որ այդ դաշտերի արժեքները ստացվում են համապատասխան տողերից: Ցանկացած պահի թարմացնել կոճակը (CTRL+R) սեղմելով` կստանաք նոր, թարմացված T-հաշիվ հաշվետվությունը նույն այն պարամետրերով, որոնք ընտրված էին դիալոգ պատուհանում:

T-հաշիվ հաշվետվությունը կարելի արտահանել Excel` Ժապավենի համապատասխան կոճակը սեղմելով:

T-հաշիվ հաշվետվությունը կարելի է կանչել նաև սեղմելով CTRL+T ստեղների համադրությունը: