Հաշվապահություն > Հաշվետվություններ > ՊՄՕ-ի և ստացված ծառայությունների մատյան

Այս հաշվետվությունը նախատեսված է պահեստի մուտքի օրդերների և ստացված ծառայությունների վերաբերյալ մանրամասն տեղեկատվություն ստանալու համար: Հաշվետվությունը ստեղծելու համար բերվող դիալոգ պատուհանը ունի հետևյալ դաշտերը.

Դաշտ	Նշանակություն
Ժամանակահատված	Պարտադիր լրացվող ամսաթիվ տիպի դաշտերի զույգ է: Հաշվետվության մեջ կընդգրկվեն այն գործողությունները, որոնք գրանցվել են այդ ժամանակահատվածում:
Տեսակ	Փաստաթղթի տեսակը: Դաշտին կից ընտրման ցուցակում կարելի է նշել փաստաթղթի մեկ տեսակ` Պահեստի մուտքի օրդեր կամ Ստացված ծառայություններ: Մատյանում կընդգրկվեն նշված տեսակի փաստաթղթերի ցուցակները:
Մատակարար	Լրացվում է մատակարարը, որի կողմից ստացվել են ապրանքները կամ ծառայությունները: Այս դաշտը դատարկ լինելու դեպքում հաշվետվությունը ստեղծվում է ըստ բոլոր մատակարարների:
Նյութական արժեք կամ ծառայություն	Լրացվում է նյութական արժեքի կամ ծառայության կոդը, որի համար ստեղծվում է հաշվետվությունը: Այս դաշտը դատարկ լինելու դեպքում հաշվետվությունը ստեղծվում է ըստ բոլոր նյութական արժեքների կամ ծառայությունների:
Փաստաթղթի վիճակ	Փաստաթղթի վիճակը: Մատյանում կընդգրկվեն Սևագիր, Հեռացված կամ Գրանցված վիճակում գտնվող փաստաթղթերը: Դաշտը դատարկ լինելու դեպքում` կընդգրկվեն բոլոր փաստաթղթերը:

Հաշվետվության ընթացիկ տողի փաստաթղթին վերաբերվող գործողություններն են.

•Դիտել տպելու ձևը. դիտել փաստաթղթի տպվող տեսքը:

•Խմբագրել. խմբագրել փաստաթուղթը:

•Հեռացնել. հեռացնել փաստաթուղթը:

•Պատմություն. բերվում է հաշվետվություն փաստաթղթի գրանցման և խմբագրման վերաբերյալ: Ցուցադրվում է, թե որ Օգտագործողի կողմից, որ համակարգչից և երբ են կատարվել փոփոխությունները: