Վաճառքներ > Հաշվետվություններ > Վաճառքների միջին գին

Հաշվետվությունը նախատեսված է նշված ժամանակահատվածում վաճառված ապրանքների միջին վաճառքի գները տեսնելու և դրանց հիման վրա համապատասխան գնի տեսակով գներ ձևավորելու համար:

Այս հաշվետվությունը ստեղծելու համար բերվող դիալոգ պատուհանն ունի հետևյալ դաշտերը.

Դաշտ	Նշանակություն
Ժամանակահատված	Պարտադիր լրացվող ամսաթիվ տիպի դաշտ է: Հաշվետվության մեջ կընդգրկվեն նշված ժամանահատվածում վաճառված ապրանքների վաճառքների միջին գները:
Պահեստ	Կարելի է նշել մեկ կամ մի քանի պահեստ։ Հաշվետվության մեջ կընդգրկվեն նշված պահեստներից վաճառված ապրանքների վաճառքների միջին գները, իսկ դաշտը դատարկ լինելու դեպքում` բոլոր պահեստներից վաճառված ապրանքների վաճառքների միջին գները:
Խումբ	Եթե դաշտի արժեքը լրացված է, ապա հաշվետվությունում արտացոլվում են միայն տվյալ խմբին պատկանող վաճառված ապրանքների վաճառքների միջին գները, հակառակ դեպքում` բոլոր ապրանքների վաճառքներինը։
Ապրանք	Եթե դաշտի արժեքը լրացված է, ապա հաշվետվությունում արտացոլվում է միայն տվյալ ապրանքի վաճառքի միջին գինը, հակառակ դեպքում` բոլոր ապրանքներինը: Եթե Խումբ դաշտի արժեքը լրացված է, ապա ապրանքների ընտրման ցուցակից կարելի է ընտրել միայն տվյալ խմբին պատկանող ապրանք:
Գործողության տեսակ	Դաշտին կից ընտրման ցուցակից կարելի է ընտրել վաճառքի փաստաթղթի տեսակը:
Ցույց տալ գները ըստ գնի տեսակի	Կարելի է լրացնել կազմակերպությունում գործող որևէ գնի տեսակ, և հաշվետվության մեջ կերևա ժամանակահատվածի վերջին օրվա դրությամբ տվյալ գնի տեսակով սահմանաված գինը։

Հաշվետվության Վաճառքի միջին գին սյունում հաշվարկվում է նշված ժամանակահատվածում վաճառված ապրանքների վաճառքի գների թվաբանական միջինը։

Հաշվետվության կոնտեքստային ցանկի Գների ձևավորում հրամանի միջոցով նշված տողերի համար կարելի է հայտարարել նոր գներ: Ընդ որում այս հաշվետվությունից գները ձևավորելիս ավտոմատ լրացվում է հաշվետվության մեջ լրացված վաճառքի միջին գինը:

Իսկ Տպել պիտակ հրամանի միջոցով նշված տողերի համար կարելի է տպել պիտակ: