Մոբայլ հավելված > Բաժիններ

Ապրանքներ բաժինը նախատեսված է ապրանքների մնացորդներին, շարժին հետևելու և նոր ապրանք կամ ծառայություն տեղեկատու ավելացնելու համար: Ցանկում արտացոլվում են ապրանքների առկայությունը, ինքնարժեքը և վաճառքի գները:

MobileApplication2.0.4_2

Ապրանքների մնացորդներ հաշվետվության գործիքների վահանակն ունի հետևյալ տեսքը.

MobileApplication_Toolswith+

այս նշանի միջոցով կարելի է իրականացնել որևէ արժեքով փնտրում:

այս նշանի միջոցով կարելի ավելացնել նոր ապրանքի կամ ծառայության տեղեկատու:

կոճակով կարելի է տեսախցիկով սկանավորել ապրանքի գծիկավոր կոդը, որի արդյունքում հաշվետվությունում կարտացոլվեն միայն տվյալ ապրանքի մնացորդներն ու շարժը:

Կարելի է իրականացնել տողերի սորտավորում այս հրամանի միջոցով:

Նոր ապրանքի կամ ծառայության տեղեկատուի ավելացման պատուհանն ունի հետևյալ կառուցվածքը:

MobileApplication_Materials6

Դաշտ	Նշանակություն
Կոդ	ՊարտԱպրանքի կամ ծառայության կոդը: Նոր ավելացվող ապրանքի կամ ծառայության համար, որպես հերթական կոդ, համակարգն ավտոմատ առաջարկում է հաջորդը, որը հաշվարկվում է վերջին ավելացված ապրանքի կամ ծառայության կոդից: Պարտադիր լրացվող դաշտ է:
Անվանում	Ապրանքի կամ ծառայության անվանումը: Պարտադիր լրացվող դաշտ է:
ԱՏԳՏ/ԱՏԳԱԱ դասակարգիչ	Ապրանքի դասակարգիչն է: Ընդունում է արժեքներ ԱՏԳՏ և ԱՏԳԱԱ դասակարգիչներ տեղեկատուի ցանկից:
Տեսակ	Ընդունում է 1 - Ապրանք կամ 2 -Ծառայություն արժեքները: Պարտադիր լրացվող դաշտ է:
Խումբ	Ապրանքների կամ ծառայությունների խումբը: Ընդունում է արժեքներ Ապրանքների և ծառայությունների խմբեր տեղեկատուից: Պարտադիր լրացվող դաշտ է:
Հիմնական չափման միավոր	Ապրանքի կամ ծառայության այն չափման միավորը, որով կատարվում է ապրանքի առկայության քանակային հաշվառումը: Փաստաթղթերում ապրանքի տող մուտքագրելու ժամանակ լռությամբ առաջարկվում է հիմնական չափման միավորը: Ընդունում է արժեքներ Չափման միավորներ տեղեկատուից: Պարտադիր լրացվող դաշտ է:
Գծիկավոր կոդ	Ապրանքի գծիկավոր կոդը: Կարելի է լրացնել տեսախցիկով սկանավորման միջոցով` : Դաշտին կից կոճակով կարելի է ավտոմատ լրացնել ապրանքի տվյալները` բեռնելով դրանք b2b.armsoft հարթակի Ապրանքների միասնական տեղեկատուից:
Մեծածախ	Այստեղ կարելի է լրացնել օրինակ Մեծածախ գնի տեսակով ապրանքի գինը: Այս դաշտը Գնի տեսակներ տեղեկատուի առաջին գնի տեսակն է (գնի տեսակի կոդով առաջնորդվելով):
Մանրածախ	Այստեղ կարելի է լրացնել օրինակ Մանրածախ գնի տեսակով ապրանքի գինը: Այս դաշտը Գնի տեսակներ տեղեկատուի երկրորդ գնի տեսակն է (գնի տեսակի կոդով առաջնորդվելով):

Ապրանքների մնացորդներ հաշվետվությունը կարելի է ձևավորել տարբեր պարամետրերով` օգտագործելով ֆիլտրման հնարավորությունը: Ֆիլտրի վրա սեղմելիս բացվող պատուհանը ունի հետևյալ դաշտերը.

Դաշտ	Նշանակություն
Ամսաթիվ	Պարտադիր լրացվող դաշտ է: Դաշտը լրացվում է Օր/Ամիս/Տարի ընտրելու միջոցով։ Հաշվետվությունում կարտացոլվեն ապրաքների մնացորդները նշված օրվա դրությամբ:
Պահեստ	Նշվում է պահեստը, որի համար ստեղծվում է հաշվետվությունը: Այս դաշտը դատարկ լինելու դեպքում հաշվետվությունը ստեղծվում է ըստ բոլոր պահեստների:
Խումբ	Նշվում է ապրանքի խմբի կոդը, որի համար ստեղծվում է հաշվետվությունը: Այս դաշտը դատարկ լինելու դեպքում հաշվետվությունը ստեղծվում է ըստ բոլոր խմբերի:
Ապրանք	Նշվում է ապրանքի կոդը, որի համար ստեղծվում է հաշվետվությունը: Այս դաշտը դատարկ լինելու դեպքում հաշվետվությունը ստեղծվում է ըստ բոլոր ապրանքների:
Գնի տեսակ	Լրացվում է գնի տեսակը, ըստ որի կառուցվում է հաշվետվությունը:
Ցույց տալ զրոյական տողերը	Հայտանիշը ակտիվացնելու դեպքում հաշվետվությունում կընդգրկվեն նաև զրոյական մնացորդ ունեցող ապրաքները:

Սեղմելով տողի վրա՝ կարելի է տեսնել ապրանքների առկայությունը՝ բացված ըստ պահեստների, նշված ամսաթվի դրությամբ, ինչպես նաև ապրանքների գները։

Գնի տեսակ ընտրելու դեպքում Գներ հատվածքում կարտացոլվի նշված գնի տեսակով գինը, իսկ Մնացորդներ հատվածում` ապրանքների մնացորդի գումարը արտահայտված տվյալ գնի տեսակով:

MobileApplication_Materials2

Ապրանքի տեղեկատուի տվյալները տեսնելու համար անհրաժեշտ է սեղմել նշանի վրա։

MobileApplication_Materials3

Ապրանքի քարտից նկարի վրա սեղմելով կարելի է տեսնել ապրանքի նկարը` մեծ տարբերակով:

MobileApplication_Materials4

Հնարավոր է վերլուծել ապրանքների շարժը` ըստ գործողությունների, սեղմելով պահեստային մնացորդի վրա: Այս հաշվետվությունը նույնպես կարելի է ձևավորել տարբեր պարամետրերով` կիրառելով ֆիլտրման հնարավորությունները: Ֆիլտրի վրա սեղմելիս բացվող պատուհանն ունի հետևյալ դաշտերը.

Դաշտ	Նշանակություն
Սկզբի ամսաթիվ	Պարտադիր լրացվող դաշտ է: Հաշվետվության մեջ կընդգրկվեն միայն այդ ամսաթվից հետո գրանցված գործողությունները:
Վերջի ամսաթիվ	Պարտադիր լրացվող դաշտ է: Հաշվետվության մեջ կընդգրկվեն մինչև այդ ամսաթիվը գրանցված գործողությունները:
Պահեստ	Նշվում է պահեստը, որի համար ստեղծվում է հաշվետվությունը: Այս դաշտը դատարկ լինելու դեպքում հաշվետվությունը ստեղծվում է բոլոր պահեստների համար:
Ցույց տալ	Այս դաշտում հնարավոր է ընտրել հետևյալ տարբերակները` Ինքնարժեքի գումար, Ինքնարժեքի գին, Վաճառքի գումար և Վաճառքի գին: Ինքնարժեքի գումար տարբերակը ընտրելու դեպքում հաշվետվությունում երևում են ապրանքների ինքնարժեքի գումարները: Ինքնարժեքի գին տարբերակը ընտրելու դեպքում հաշվետվությունում երևում է ապրանքների միավորի ինքնարժեքը: Վաճառքի գումար տարբերակը ընտրելու դեպքում հաշվետվությունում երևում են ապրանքների վաճառքի գումարները: Վաճառքի գին տարբերակը ընտրելու դեպքում հաշվետվությունում երևում են ապրանքների վաճառքի գները:
Արտահայտել	Այս դաշտում հնարավոր է ընտրել հետևյալ տարբերակները` Դրամով (Ներառյալ ԱԱՀ), Դրամով (Առանց ԱԱՀ) և Արտարժույթով (Ներառյալ ԱԱՀ): Դրամով (Ներառյալ ԱԱՀ) տարբերակը ընտրելու դեպքում հաշվետվությունում Ցույց տալ դաշտում նշված արժեքները կներկայացվեն դրամով և ԱԱՀ-ն ներառյալ: Դրամով (Առանց ԱԱՀ) տարբերակը ընտրելու դեպքում հաշվետվությունում Ցույց տալ դաշտում նշված արժեքները կներկայացվեն դրամով և Առանց ԱԱՀ: Արտարժույթով (Ներառյալ ԱԱՀ) տարբերակը ընտրելու դեպքում հաշվետվությունում Ցույց տալ դաշտում նշված արժեքները կներկայացվեն արտարժույթվ և ԱԱՀ-ն ներառյալ:

Բացվող գործողությունների ցանկից տողի վրա սեղմելով կարելի է ընտրել փաստաթղթի տպման տեսք:

MobileApplication_Materials5

Հնարավոր է նաև կիսվել, էլ. փոստով ուղարկել տեսքը: