Ուղղորդիչ:  Գնումներ > Տեղեկատուներ > Ապրանքների և ծառայությունների ենթատեղեկատուներ > Ապրանքների և ծառայությունների խմբեր

Ապրանքներ և ծառայություններ տեղեկատուին պատկանող բոլոր ապրանքները կամ ծառայությունները կարելի խմբավորել ըստ որոշակի հայտանիշների։ Օրինակ` կարելի է կենցաղային տեխնիկան խմբավորել ըստ Սառնարաններ, Արդուկներ և Թեյնիկներ տեսակների։ Խմբերն օգտագործվում են փաստաթղթերի մուտքագրման, հաշվետվությունների ձևավորման և այլ գործողությունների ժամանակ։ Փաստաթղթերում ապրանքի տողը հեշտ գտնելու համար կարելի է սկզբից ընտրել խումբը, որին այն պատկանում է։ Մի շարք հաշվետվություններ կարելի է ձևավորել նշված խմբին պատկանող ապրանքների համար։

Ապրանքների և ծառայությունների խմբավորումները կազմակերպելու համար նախատեսված է Ապրանքների և ծառայությունների խմբեր ծառատիպ տեղեկատուն։ Տեղեկատուի մեջ նոր տողի ավելացումը և մուտքագրվածի խմբագրումը կատարվում է Ապրանքի կամ ծառայության խումբ դիալոգ պատուհանի միջոցով։ Տողերի մուտքագրման, խմբագրման և հեռացման գործողությունները նկարագրված են Աշխատանք տեղեկատուների հետ բաժնում։