Գնումներ > Հաշվետվություններ > Գործընկերների հաշվետվություններ

Հաշվետվությունը նախատեսված է գործընկերների մնացորդների մասին տեղեկատվություն ստանալու համար: Այս հաշվետվությունը ստեղծելու համար բերվող դիալոգ պատուհանն ունի հետևյալ դաշտերը.

Դաշտ	Նշանակություն
Ամսաթիվ	Պարտադիր լրացվող ամսաթիվ տիպի դաշտ է: Հաշվետվությունում կարտացոլվեն գործընկերների մնացորդները նշված օրվա դրությամբ:
Խումբ	Նշվում է գործընկերների խումբը: Լրացնելու դեպքում հաշվետվությունում կարտացոլվեն միայն նշված խմբի գործընկերները:
Գործընկեր	Եթե դաշտի արժեքը լրացված է, ապա հաշվետվությունը կազմվում է միայն տվյալ գործընկերոջ համար, հակառակ դեպքում` բոլոր գործընկերների համար։ Եթե Խումբ դաշտի արժեքը լրացված է, ապա գործընկերների ընտրման ցուցակից կարելի է ընտրել միայն տվյալ խմբին պատկանող գործընկերոջը։
Պայմանագիր	Դաշտը կարելի է լրացնել, երբ նշված է Գործընկեր: Լրացնելու դեպքում հաշվետվությունում երևում է միայն տվյալ պայմանագրին վերաբերող մնացորդը, հակառակ դեպքում` մնացորդը բոլոր պայմանագրերով։
Արժույթ	Լրացվում է արժույթը, ըստ որի կառուցվում է հաշվետվությունը: Պայմանագիր դաշտը լրացված լինելու դեպքում ավտոմատ լրացվում է տվյալ պայմանագրի արժույթը։
Հաշվետվության արժույթ	Պարտադիր լրացվող դաշտ է: Եթե դաշտում լրացված է 1 - Ցույց տալ գումարները դրամով արժեքը, ապա հաշվետվությունում բոլոր գումարները երևում են ներկայացված դրամային համարժեքով։ 2 - Ցույց տալ գումարները արժույթով արժեքի դեպքում գումարները երևում են այն արժույթով, որով կատարվել են գործողությունները։ 3 - Ցույց տալ գումարները և դրամով և արժույթով արժեքի դեպքում հաշվետվությունում արտացոլվում են և’ արժույթով գումարները, և’ նրանց դրամային համարժեքները։
Բացված ըստ պայմանագրերի	Դրոշակը նշված լինելու դեպքում հաշվետվությունում տարբեր պայմանագրերի շրջանակներում մնացորդները երևում են առանձին տողերով։
Ցույց տալ գործընկերոջ տվյալները	Դրոշակը նշված լինելու դեպքում հաշվետվությունում կցուցադրվի գործընկերոջ տվյալները:

Գործընկերների մնացորդներ հաշվետվությունում երևում է գործընկերոջ մնացորդը նշված օրվա վերջում:

Հաշվետվության ընթացիկ կամ նշված տողերի կոնտեքստային ցանկից կարելի է կանչել Գործընկերոջ քարտը: