Ըստ որևէ սյան խմբավորելու համար հարկավոր է կատարել հետևյալ քայլերից որևէ մեկը.
•կոնտեքստային ցանկից ընտրել Խմբավորել այս սյունով հրամանը,
•կոնտեքստային ցանկից կամ ժապավենի Տվյալներ ներդիրից ընտրել Բերել խմբավորման վահանակը հրամանը: Սյան անվանումը տեղափոխել վահանակի մեջ:
Խմբավորված սյուներն ապախմբավորելու համար հարկավոր է կատարել հետևյալ քայլերից որևէ մեկը.
•սյան վերնագրի վահանակի կոնտեքստային ցանկից ընտրել Ապախմբավորել հրամանը,
•քաշել սյան վերնագիրը խմբի վահանակից և տեղադրել սյուների վերնագրի վահանակում
•Ժապավենի Տվյալներ ներդիրի Խմբավորում բաժնից ընտրել Ապախմբավորել կոճակը.
Բոլոր սյուների խմբավորումն հանելու համար կոնտեքստային ցանկից պետք է ընտրել Մաքրել խմբավորումը հրամանը:
Խմբավորման դասավորությունը փոխելու համար հարկավոր է սյան անվանումը տեղափոխել մի դիրքից մեկ այլ դիրքի:
Խմբավորված տողերը բացելու կամ փակելու համար հարկավոր է.
•սեղմել Խմբի բացման կամ փակման նշանի վրա
•կրկնակի սեղմել խմբավորված տողի վրա
•նշել խմբավորված տողը և սեղմել Սլաք աջ (բացելու համար) կամ Սլաք ձախ (փակելու համար)
Բոլոր փակված տողերը բացելու համար Խմբավորման վահանակից պետք է կոնտեքստային ցանկից ընտրել Բացել կամ Փակել հրամանը:
Այս գործիքի միջոցով հնարավոր է մի քանի տող խմբավորել ըստ սյուների։ Օրինակ՝ անհրաժեշտ է կառուցել Ապրանքների շրջանառություն հաշվետվությունը ոչ բացված ըստ պահեստների։ Խնդիրը լուծելու համար անհրաժեշտ է կանչել հաշվետվությունը և ժապավենի Տվյալներ ներդիրից ընտրել Խմբավորել ըստ սյուների հրամանը։
Ստեղծված հաշվետվությունում արտացոլվում են ապրանքները՝ խմբավորված ըստ Կոդ, Անվանում սյուների, իսկ Մնացորդներ, Մուտքեր, Ելքեր սյուներում ցույց է տրվում խմբավորված տողերի հանրագումարը։