Տվյալները ֆիլտրելու համար մկնիկը պահել տվյալ սյան անվան վրա և սեղմել հայտնված ֆիլտր կոճակը (): Տվյալները ֆիլտրելու համար պետք է նշել ցուցակի համապատասխան տողերը:
Տվյալները որևէ արժեքով ֆիլտրելու համար անհրաժեշտ է ֆիլտրվող արժեքի վրա կատարել մկնիկի աջ սեղմում և ֆիլտրել այդ արժեքով:
Արագ ֆիլտրման համար անհրաժեշտ է սեղմել ժապավենի Գլխավոր ներդիրի Տվյալներ բաժնում գտնվող Բերել ֆիլտրման տողը կոճակը կամ CTRL+Q ստեղների համադրությունը: Անհրաժեշտ տվյալը ֆիլտրելու համար այն մուտքագրել հայտնված ֆիլտրման տողի համապատասխան սյունում:
Նշված տողերը ֆիլտրելու համար սեղմել ժապավենի Գլխավոր ներդիրի Տվյալներ բաժնում գտնվող Ֆիլտրել նշվածները կոճակը:
Ֆիլտրի խմբագրման համար անհրաժեշտ է սեղմել Խմբագրել ֆիլտրը կոճակը ֆիլտր վահանակի վրայից:
Սյանը վերաբերող ֆիլտրը մաքրելու համար անվան վրա կատարել մկնիկի աջ սեղմում և ընտրել Մաքրել Ֆիլտրը հրամանը։
Ցանկի ֆիլտրը մաքրելու համար սեղմել Մաքրել ֆիլտրը կոճակը ֆիլտր վահանակի վրայից:
Ֆիլտրն անջատելու/միացնելու համար պասիվացնել/ակտիվացնել Անջատել/Միացնել ֆիլտրը ստուգավանդակը՝ ֆիլտր վահանակի ձախ մասից:
Ամբողջ ցուցակով որևէ տվյալ փնտրելու համար սեղմել ժապավենի Գլխավոր ներդիրի Տվյալներ բաժնում գտնվող Փնտրել կոճակը և հայտնված փնտրման տողում մուտքագրել փնտրվող արժեքը: Այդպիսի տողի առկայության դեպքում այն դառնում է ընթացիկ (նշիչը տեղափոխվում է նրա վրա): Փնտրման տողը կարելի է կանչել նաև սեղմելով CTRL+F ստեղները։
ֆիլտր կիրառելու համար նախատեսված գործիքները խմբավորված են նաև Ժապավենի Տվյալներ ներդիրի Ֆիլտրել բաժնում:
Ցուցակի տպման ձևում ֆիլտրման պայմանները ներառելու համար անհրաժեշտ է սեղմել ժապավենի Գլխավոր ներդիրի Տպել խմբի Տպելու դրույթներ կոճակը և ընտրել Տպել ֆիլտրման պայմանները դրոշակը:
Տպման ձևում ֆիլտրման պայմանները ցուցադրվում են ցուցակից առաջ վերևի մասում: