Դաշտ

Նշանակություն

Փաստաթղթի N

Գնորդի մնացորդի մուտք փաստաթղթի համարը։ Համակարգն ավտոմատ առաջարկում է այս փաստաթղթի հերթական համարը: Նոր փաստաթղթին վերագրվող համարի ընթացիկ արժեքը կարելի է տեսնել և խմբագրել Դրույթներ պատուհանի Փաստաթղթերի համարներ էջում:

Ամսաթիվ

Գնորդի մնացորդի մուտք փաստաթղթի ստեղծման ամսաթիվը: Համակարգն ավտոմատ առաջարկում է ընթացիկ ամսաթիվը:

Բաժին

Բաժինը սահմանվում է Տեղեկատուների ձևավորում ենթահամակարգի համանուն տեղեկատուում և կցվում առևտրային գործակալին։ Բաժին դաշտը տեսանելի է, եթե ծրագրի Դրույթների Ընդհանուր էջի Բաժինների հաշվառում ստուգավանդակը նշված է։

Առևտրային գործակալ

Այն Առևտրային գործակալը, ում անունով ձևակերպվում է Գնորդի մնացորդի մուտք փաստաթուղթը։

Գնորդ

Գնորդը, որի անունով ձևակերպվում է Գնորդի մնացորդի մուտք փաստաթուղթը: Կարող է ընդունել արժեքներ Գնորդներ տեղեկատուից։

Տեսակ

Տեսակ դաշտում կարելի է նշել Գնորդի մնացորդի տեսակը։ Դաշտին կից ընտրման ցուցակում հնարավոր է ընտրել Պարտք, Կանխավճար, Վերադարձ արժեքները։

Գումար

Գնորդի մնացորդի գումարը։

Վճարման ուշացման օրեր

Սահմանվում է տվյալ փաստաթղթով ձևակերպվող պարտքի համար վճարման ուշացման օրերի քանակը: Լռելյայն առաջարկվում է տվյալ գնորդի քարտում սահմանված Վճարման ուշացման օրերի քանակը: Դաշտն ակտիվ է միայն Տեսակ դաշտում Պարտք տարբերակն ընտրելու դեպքում։

Մեկնաբանություն

Մեկնաբանություն փաստաթղթի վերաբերյալ: Կարող է ընդունել արժեքներ Ստանդարտ մեկնաբանություններ տեղեկատուից:

 Նշում

Գնորդի մնացորդների մուտք փաստաթուղթը կարելի է ներմուծել MS Excel-ի CustomerRemaindersInput.xlsm  ֆայլի միջոցով, որը գտնվում է ImportTemplates գրադարանում (Օրինակ՝ C:\Program Files (x86)\Armenian Software\AS-Sales Management 7\ImportTemplates):