Ուղղորդիչ:  OLAP-ի հնարավորությունները ՀԾ-Բանկ համակարգում > OLAP խմբեր > Արտահանում OLTP համակարգից

 

«OLAP գործառնավար ԱՇՏ» -> «Արտահանում OLTP համակարգից» ֆունկցիան թույլ է տալիս կատարել տվյալների (OLAP խմբերի) արտահանում OLAP պահոց կամ տեքստային *.olp ընդլայնում ունեցող ֆայլի մեջ:

 

OLAP պահոց արտահանումը կատարվում է ցուցակից նշելով համապատասխան խումբը։ Ցուցակում երևում են միայն այն խմբերը, որոնց վրա «Խմբի ընդունում» ստուգավանդակը նշված է։

 

Տվյալների արտահանման պատուհանը ունի հետևյալ տեսքը՝

 

 

«Հաշվետվությունների արտահանում (տեքստային)» պարամետրի արժեքը լռությամբ առաջարկվում է EXPTEXTF համակարգի գլոբալ պարամետրի արժեքից կախված։ Պարամետրի «Ոչ» արժեքի դեպքում նշված կլինի «Հաշվետվությունների արտահանում (OLAP)» ստուգավանդակը։ Անհրաժեշտության դեպքում օգտագործողը կարող է ընտրել անմիջապես արտահանման պատուհանում տեքստային արտահանման հնարավորությունը։

Խմբերի արտահանման ժամանակ հաշվի է առնվում խմբի վրա նշված` «Օրական է արտահանվում» դաշտի արժեքը։  Այն լռությամբ առաջարկվում է արտահանման հարցման պատուհանում։ «Օրական» ստուգավանդակը տեղադրված լինելու դեպքում խումբը կհաշվարկվի և կարտահանվի սահմանված ժամանակահատվածի յուրաքանչյուր օրվա համար, նշված չլինելու դեպքում` հաշվարկը կիրականացվի սահմանված ժամանակահատվածի համար և կարտահանվի միայն ժամանակահատվածի վերջին օրվա դրությամբ։

Օգտագործողի և OLAP խմբերի արտահանման, ինչպես նաև դիտման ժամանակ գործողության ընթացիկ վիճակի մասին տեղեկատվություն կարելի է ստանալ տվյալ պատուհանի ներքևի հատվածից: Հնարավոր է նաև արտահանումը և դիտումը ընդհատել, ընդ որում` արտահանումը ընդհատելուց հետո OLAP գործառնավարի ԱՇՏ -> Ընդունված խմբերի ուղղորդիչում "Մեկնաբանություն" սյան մեջ կգրվի «Սխալ»:

 

 

Պատուհանի նկարագրություն

 

 

 

Պատուհանում պատկերվում են միայն այն OLAP խմբերը, որոնք ընդունվում են տվյալների պահոց և նշված են «OLAP խմբերի տեղեկատու» բաժնում: Այն դեպքում, երբ EXPTEXTF պարամետրն ընդունում է «Այո» արժեքը, վերը նշված պատուհանի վերնագիրը փոխվում է «Հաշվետվությունների արտահանում (տեքստային)»-ի և այս դեպքում ոչ մի ստուգում չի իրականացվում: OLAP համակարգ տվյալների ներմուծման դեպքում կատարվում են «Խմբերի ընդունում» բաժնում կատարվող բոլոր ստուգումները:

 

 

 

 

Ֆայլը ստեղծվում է ավտոմատ կերպով օգտագործողի դրույթների «ՕLAP ֆայլերի արտահանման» պարամետրում նշված դիրեկտորիայում: Պարամետրի արժեքը լրացված չլինելու դեպքում արտահանվում է "C:\" դիրեկտորիայում։