Ուղղորդիչ:  Աշխատանքային միջավայր > Ցուցակ > Ընտրել և թարմացնել տողերը

Ցուցակի տողերի ընտրություն

Ցուցակի տողերը նշելու համար կատարել հետևյալ քայլերից որևէ մեկը`

•Միացրեք ձախ կողմում գտնվող դրոշակը,

•Սեղմեք Space կամ Insert ստեղնը: Տողը կնշվի և հաջորդ տողը կդառնա ընթացիկ:

Նշված տողերը գունափոխվում են:

 

 

Ցուցակի տողերի նշումը հանելու համար` հանեք նշված տողի ձախ կողմում գտնվող դրոշակը կամ սեղմեք Space կամ Insert ստեղնը:

 

Ցուցակի բոլոր տողերը նշելու համար պետք է սեղմել Պլյուս (+) ստեղնը, նշումը հանելու համար` Մինուս (-) ստեղնը: Տողերի հակառակ նշումը կատարվում է Աստղանիշ (*) ստեղնով:

 

Ցուցակի տողերի ըստ պայմանի նշում և ապանշում 

 

Երբ անհրաժեշտ է աղյուսակում ըստ որոշակի պայմանի նշել տողեր, միևնույն ժամանակ արտացոլելով նաև ընտրված պայմաններին չհամապատասխանող մնացած տողերը, օգտագործվում է Նշել ըստ պայմանի հրամանը: Դրա համար անհրաժեշտ է սեղմել ժապավենի Տվյալներ ներդիրի Նշել խմբի Նշել ըստ պայմանի կոճակը կամ CTRL+ՊԼՅՈՒՍ ՆՇԱՆ ստեղների համադրությունը:

 

 

Նշել ըստ պայմանի կոճակը սեղմելիս բացվում է խմբագրման պատուհան:

 

 

Հակառակ գործողությունը կատարելու համար անհրաժեշտ է սեղմել նույն խմբի Հանել նշումը ըստ պայմանի կոճակը կամ CTRL+ՄԻՆՈՒՍ ՆՇԱՆ ստեղների համադրությունը:

 

Ցուցակի տողերի թարմացում

Աշխատանքի ընթացքում կարող է առաջանալ իրավիճակ, երբ ցուցակը պարունակում են հին տվյալներ: Դա տեղի է ունենում, երբ դուք աշխատում եք նույն ցուցակի հետ տարբեր պատուհաններից կամ տարբեր օգտագործողներ խմբարում են նույն ցուցակը:

Ցուցակի տողերը թարմացնելու համար անհրաժեշտ է սեղմել ժապավենի Գլխավոր ներդիրի Տվյալներ խմբի Թարմացնել կոճակը կամ CTRL+R ստեղների համադրությունը:

 

 

Թարմացման ընթացքում ցուցադրվում է պատուհան, որը պարունակում կատարման ընթացքի պատկերը և Ընդհատել կոճակը: Ընդհատել կոճակը սեղմելիս ցուցակում կներառվեն արդյունքի ոչ բոլոր տողերը: