Հաշվապահություն > Հաշվետվություններ > Սևագիր գործառնությունների մատյան

Մատյանում ընդգրկվում են համակարգում սևագիր վիճակում գտնվող գործառնությունները: Մատյանը ստեղծելու համար բերվող դիալոգ պատուհանն ունի հետևյալ դաշտերը.

Դաշտ	Նշանակություն
Ժամանակահատված	Պարտադիր լրացվող ամսաթիվ տիպի դաշտերի զույգ է: Մատյանում կընդգրկվեն միայն այդ ժամանակահատվածում գրանցված գործառնությունները:
Հաշիվ Դեբետ/Կրեդիտ	Գործառնությունում մասնակցող դեբետ և կրեդիտ հաշիվների համարները:
Գործընկերներ Դեբետ/Կրեդիտ	Գործառնությունում մասնակցող դեբետ և կրեդիտ գործընկերների կոդերը:
Արժույթ Դեբետ/Կրեդիտ	Լրացվում են համապատասխանաբար դեբետ և կրեդիտ հաշիվների արժույթները: Մատյանը կառուցվում է ըստ նշված արժույթների:
Փաստաթղթի տեսակ	Նշվում է փաստաթղթի տեսակը: Դաշտին կից ընտրման ցուցակում կարելի է նշել մեկ կամ մի քանի փաստաթղթի տեսակներ: Մատյանում կընդգրկվեն նշված փաստաթղթերի տեսակի գործառնությունները, իսկ դաշտը դատարկ լինելու դեպքում` բոլոր գործառնությունները:
Ցույց տալ արտարժույթները	Նշված լինելու դեպքում մատյանում կընդգրկվեն նաև արտարժույթները:
Ցույց տալ գործընկերներին	Նշված լինելու դեպքում մատյանում կընդգրկվեն գործառնության անալիտիկա դեբետ/կրեդիտ հաշիվները` իրենց անվանումներով:

Գործառնությունները դասավորված են ըստ ամսաթվերի: Որևէ դաշտ (դեբետ կամ կրեդիտ) լրացված լինելու դեպքում, մատյանում կընդգրկվեն միայն այն գործառնությունները, որոնց համապատասխան դաշտերը համընկնում են այդ արժեքի հետ, հակառակ դեպքում` այդ դաշտն անտեսվում է: Ընդ որում, և դրոշակը նշված լինելու դեպքում մատյանը ձևավորելիս հաշվի է առնվում Հաշիվ Դեբետ/Կրեդիտ, Գործընկերներ Դեբետ/Կրեդիտ, Արժույթ Դեբետ/Կրեդիտ դաշտերի և' դեբետ, և' կրեդիտ արժեքները:

Խմբագրել, պատճենել կամ հեռացնել հրամանների միջոցով կխմբագրվի, կպատճենվի կամ կհեռացվի գործառնության փաստաթուղթը:

Մատյանի ընթացիկ կամ նշված տողերի համար կոնտեքստային ցանկի Ստուգել հաշիվների թղթակցությունները գործողությամբ ստուգվում է գործառնությունների հաշիվների թղթակցությունները Հաշիվների թղթակցություններ տեղեկատուում: Տեղեկատուին չհամապատասխանող թղթակցություններ հայտնաբերելու դեպքում համակարգը բերում է հաշվետվություն: