ՀԾ-Առևտուր վեբ տարբերակը նախատեսված է համակարգի ամպային տարբերակն օգտագործողների համար: Այն հնարավորություն է տալիս օնլայն միանալ ամպային տվյալների պահոցներին և դիտել տվյալներ: Տարբերակը հասանելի է trade.armsoft.am հասցեով:
Գլխավոր էջում առանձնացված է 5 հիմնական բաժին.
•Վաճառքներ բաժնում կարելի է տեսնել իրականացված վաճառքների վերլուծությունը:
•Ապրանքներ բաժնում կարելի է դիտել կազմակերպությունում առկա ապրանքների մնացորդները:
•Գործընկերներ բաժինը նախատեսված է գործընկերների մնացորդների մասին տեղեկատվություն ստանալու համար:
•Դրամարկղ/Բանկ բաժինը նախատեսված է կազմակերպության դրամարկղերի և բանկային հաշիվների մնացորդների մասին տեղեկատվություն տեսնելու համար:
•Բոլոր փաստաթղթերը բաժնում արտացոլվում են հաշվետու ժամանակաշրջանում համակարգում գրանցված բոլոր տեսակի փաստաթղթերը:
Գլխավոր էջի աջ հատվածում ցուցադրվում են օգտագործողն ու կազմակերպության անվանումը: Սեղմելով այդ տվյալներից որևէ մեկի վրա բացում է հետևյալ պատուհանը.
Ընտրել տվյալների պահոցը հրամանով կարելի է մուտք գործել այլ տվյալների պահոց` առանց օգտագործողի մուտքագրման տվյալները նորից լրացնելու:
Լեզու ցանկից կարելի է փոխել լեզուն` ընտրելով Հայերեն կամ Անգլերեն տարբերակները:
Ելք հրամանով օգտագործողը ելքագրվում է տվյալների պահոցից: