Վաճառքներ > Մատյաններ > Դուրս գրված փոխանցման հաշիվներ

Մատյանում արտապատկերվում են համակարգում դուրս գրված Փոխանցման հաշիվները: Մատյանի Դիալոգ պատուհանը ունի հետևյալ դաշտերը.

Դաշտ	Նշանակություն
Ժամանակահատված	Պարտադիր լրացվող ամսաթիվ տիպի դաշտերի զույգ է: Մատյանում կընդգրկվեն միայն այդ ժամանակահատվածում գրանցված փաստաթղթերը:
Արժույթ	Լրացվում է արժույթը, ըստ որի կառուցվում է մատյանը:
Գործընկեր	Մատյանում կընդգրկվեն միայն նշված գործընկերոջ հետ կապված փաստաթղթերը:
Ապրանք	Մատյանում կընդգրկվեն միայն նշված ապրանքի հետ կապված փաստաթղթերը:
Հեղինակ	Մատյանում կընդգրկվեն միայն նշված Հեղինակի փաստաթղթերը: Դաշտը դատարկ լինելու դեպքում կընդգրկվեն բոլոր հեղինակների փաստաթղթերը: Նշում: Եթե Օգտագործողը Ադմինիստրատորի իրավասություն չունի և նրա փաստաթղթերի դրույթներում նշված է Սահմանափակել աշխատանքը այլ օգտագործողներին պատկանող փաստաթղթերի հետ դրոշակը, ապա մատյանի դիալոգ պատուհանում Հեղինակ դաշտը խմբագրվող չէ և մատյանում կցուցադրվեն միայն տվյալ Օգտագործողի կողմից ստեղծված փաստաթղթերը:

Մատյանի սյուները պարունակում են փաստաթղթի հետևյալ դաշտերի տվյալները.

Սյուն	Նշանակություն
Ամսաթիվ	Փաստաթղթի ստեղծման ամսաթիվը:
Փաստաթղթի N	Փաստաթղթի հերթական համարը:
Արժույթ	Փաստաթղթի արժույթը։
Գումար	Հիմնական գումարը:
Վիճակ	Նշվում է, որ փաստաթուղթը պատրաստ է ուղարկման (ուղարկման եղանակները երևում են տողի վրայից` մկնիկի աջ ստեղնի միջոցով բացվող կոնտեքստային ցանկից):
Պահեստ	Այս դաշտում լրացվում է փաստաթղթի հետ կապված մուտքի կամ ելքի պահեստը։ Եթե տվյալ փաստաթուղթը առընչություն չունի պահեստի հետ, ապա այս դաշտի արժեքը դատարկ է։
Մեկնաբանություն	Մեկնաբանություն փաստաթղթի վերաբերյալ:
Գործընկեր	Գործընկերոջ կոդը: Եթե տվյալ փաստաթղթի հետ գործընկեր կապված չէ, ապա այս դաշտը դատարկ է մնում:
Գործընկերոջ անվանում	Գործընկերոջ անվանումը: Եթե տվյալ փաստաթղթի հետ գործընկեր կապված չէ, ապա այս դաշտը դատարկ է մնում:
Օգտագործող	Օգտագործողի անունը: Նշվում է այն օգտագործողի անունը, ով վերջինն է աշխատել (գրանցել կամ խմբագրել) տվյալ փաստաթղթի հետ:
Վերջին փոփոխություն	Փաստաթղթի վերջին խմբագրման ամսաթիվը և ժամը:

Մատյանի ընթացիկ տողին վերաբերվող գործողությունները հետևյալն են.

•Ավելացնել. ավելացնել նոր փաստաթուղթ:

•Խմբագրել. խմբագրել փաստաթուղթը:

•Դիտել տպելու ձևը. դիտել փաստաթղթի տպվող տեսքը:

•Հեռացնել. հեռացնել փաստաթուղթը:

•Պատճենել. ստեղծվում է նոր նմանատիպ փաստաթուղթ` լրացված ընթացիկ փաստաթղթի տվյալներով:

•Պատմություն. բերվում է հաշվետվություն փաստաթղթի գրանցման և խմբագրման վերաբերյալ: Ցուցադրվում է, թե որ Օգտագործողի կողմից, որ համակարգչից և երբ են կատարվել փոփոխությունները:

•Ստեղծել փաստաթղթի հիման վրա... համակարգն ունի հնարավորություն` տեղափոխել տվյալները մի տեսակի փաստաթղթից մեկ այլ տեսակի փաստաթղթի մեջ: Փոխանցման հաշվի հիման վրա կարելի է ստեղծել Վաճառք (Հաշիվ-Ապրանքագիր) փաստաթուղթը` տեղափոխելով ավելի շուտ գրանցված Փոխանցման հաշվի տվյալները: Նոր մուտքագրվող փաստաթղթի բոլոր տվյալները ենթակա են խմբագրման:

•Ուղարկել b2b.armsoft հարթակ. Ուղարկվում է b2b.armsoft հարթակ:

•Ուղարկել էլ. փոստով. Փոխանցման հաշիվն ուղարկվում է գնորդի` տեղեկատուում նշված էլ. փոստի հասցեին: Նամակն ուղարկվում է համակարգչում տեղադրված մեյլային համակարգի միջոցով:

Մատյանի վերնագիրը պարունակում է հաշվետու ժամանակահատվածը: Ցանկացած պահի թարմացնել (CTRL+R) սեղմելով` կստանաք նոր, թարմացված մատյանն ըստ այդ ժամանակահատվածի: