Դաշտ

Նշանակություն

Ավտոմատ պահպանել փաստաթուղթը (վաճառք, վերադարձ) յուր. N վայրկյանը մեկ

Դրոշակը նշված լինելու դեպքում Վաճառակետ (POS) ենթահամակարգի Վաճառք պատուհանում մուտքագրված տեղեկատվությունը կպահպանվի համակարգչի ժամանակավոր ֆայլում: Փաստաթուղթը կպահպանվի այս դաշտում նշված վայրկյանը մեկ:

Օֆլայն փաստաթղթերի պահպանման ժամկետ (օր)

Լռությամբ այս դաշտի արժեքը լրացվում է 30, անհաժեշտության դեպքում կարելի է փոփոխել: Լոկալ համակարգչի ժամանակավոր ֆայլում օֆլայն ռեժիմում գրանցված փաստաթղթերը կպահպանվեն այս դաշտում նշված օրերի կտրվածքով:

Հարցման կատարման առավելագույն ժամանակ (վայրկյան)

Այս դաշտում նշվում է հարցման կատարման ժամանակահատվածը, թե առավելագույնը քանի վայրկյան կարող է աշխատել հարցումը: Եթե համակարգին չի հաջողվում սահմանված ժամանակի ընթացքում կատարել այն, ապա հարցման կատարումը դադարեցվում է և հայտնվում է այդ մասին հաղորդագրություն:

Հաշվետվության հարցման կատարման առավելագույն ժամանակ (վայրկյան)

Այս դաշտում նշվում է, թե համակարգն առավելագույնը քանի վայրկյան կարող է աշխատել օգտագործողի կողմից կանչված հաշվետվությունը ձևավորելու համար: Եթե համակարգին չի հաջողվում սահմանված ժամանակի ընթացքում ձևավորել հաշվետվությունը, ապա հարցման կատարումը կդադարեցվի և կհայտնվի այդ մասին հաղորդագրություն:

Օգտագործել Windows ՕՀ-ի ծանուցումները

Այս դրոշակը նշված լինելու դեպքում համակարգի ծանուցումները կցուցադրվեն Windows ՕՀ-ի ծանուցումների տեսքով:

Ավտոմատ ստեղծել պահուստային պատճեն յուր. N օրը մեկ

Այս հայտանիշի նշված լինելու դեպքում համակարգ մտնելիս ավտոմատ կստեղծվի պահուստային պատճեն, եթե վերջին պահուստային պատճենի գրանցումից անցել է նշված թվով օրեր:

Լոկալ պատճենում: Պահուստային պատճեն ստեղծելիս ավտոմատ արտահանել նշված գրադարան

Դրոշակը միացված լինելու դեպքում կոճակով սերվեր համակարգչում կարելի է ընտրել ևս մեկ լոկալ գրադարան (Google Drive, Microsoft OneDrive, Yandex.Disk և այլն), որտեղ բացի հիմնական տեղից (C:\, D:\ դիսկերի MSSQL թղթապանակ) ավտոմատ կպահպանվեն ստեղծված պահուստային պատճենները: Կլիենտ համակարգիչներում նույնպես կարելի է նշել լոկալ գրադարան և այնտեղ ևս ավտոմատ կպահպանվեն ստեղծված պահուստային պատճենները:

Ավտոպատճենման դրույթներ: Պարբերականություն

Համակարգի կողմից ավտոմատ ստեղծվում են պահուստային պատճեններ, որոնք պահվում են Պահուստային պատճենների ցուցակում` սահմանված քանակով: Պատճենների ստեղծման պարբերականությունը կարող է լինել Օրական , Ամսական և Տարեկան: Վերջին պատճենների քանակ պարամետրով սահմանվում է պահվող պատճենների առավելագույն քանակը:

Ստեղծել պատճեն միայն մուտքի առկայության դեպքում

Դրոշակը միացված լինելու դեպքում պահուստային պատճենը կստեղծվի միայն համակարգ մուտք գործելու դեպքում:

Վերականգնել լռությամբ արժեքները

Այս հրամանով վերականգնվում են նախնական առաջարկվող կարգավորումները: