Գնումներ > Հաշվետվություններ > Դրամարկղի/բանկի հաշվետվություններ > Բանկային հաշիվների գործողությունների մատյան

Հաշվետվությունը նախատեսված է բանկային հաշիվների հետ կապված գործողությունների մասին տեղեկատվություն ստանալու համար։
Այս հաշվետվությունը ստեղծելու համար բերվող դիալոգ պատուհանն ունի հետևյալ դաշտերը.

Դաշտ	Նշանակություն
Ժամանակահատված	Պարտադիր լրացվող ամսաթիվ տիպի դաշտերի զույգ է: Հաշվետվության մեջ ընդգրկվում են տվյալ ժամանակահատվածում բանկային հաշիվներում կատարված մուտքերը և տեղի ունեցած ելքերը։
Հաշիվ	Եթե դաշտի արժեքը լրացված է, ապա հաշվետվությունը կազմվում է միայն տվյալ հաշվի համար, հակառակ դեպքում` բոլոր հաշիվների համար։
Արժույթ	Լրացված լինելու դեպքում հաշվետվությունում արտացոլվում են միայն տվյալ արժույթով կատարված գործողությունները։
Հաշվետվության արժույթ	Պարտադիր լրացվող դաշտ է: Եթե դաշտում լրացված է 1 - Ցույց տալ գումարները դրամով արժեքը, ապա հաշվետվությունում բոլոր գումարները երևում են` ներկայացված դրամային համարժեքով։ 2 - Ցույց տալ գումարները արժույթով արժեքի դեպքում գումարները երևում են այն արժույթով, որով կատարվել են գործողությունները։ 3 - Ցույց տալ գումարները և դրամով և արժույթով արժեքի դեպքում հաշվետվությունում արտացոլվում են և’ արժույթով գումարները, և’ նրանց դրամային համարժեքները։
Փաստաթղթի տեսակ	Նշվում է փաստաթղթի տեսակը: Դաշտին կից ընտրման ցուցակում կարելի է նշել մեկ կամ մի քանի փաստաթղթի տեսակներ:
Ցույց տալ գործընկերներին	Դրոշակը նշված լինելու դեպքում հաշվետվությունում կընդգրկվի նաև տվյալներ գործընկերների մասին (կոդը, անվանումը և պայմանագիրը)։
Գործընկեր	Եթե դաշտի արժեքը լրացված է, ապա հաշվետվությունում կընդգրկվեն միայն այն գործողությունները, որոնք կապված են տվյալ գործընկերոջ հետ: Դաշտը կարելի է լրացնել, երբ նշված է Ցույց տալ գործընկերներին դրոշակը:

Հաշվետվության կոնտեքստային ցանկից կարելի է դիտել հաշվետվության ընթացիկ տողի (փաստաթղթի) տպելու ձևը, խմբագրել այն կամ հեռացնել: