Դրույթներ > Խմբաքանակային հաշվառում

Որոշ դեպքերում նույն ապրանքի մուտքագրման ժամանակ անհրաժեշտ է լինում հաշվի առնել հատկություններ, որոնք փոփոխական են տարբեր մուտքագրվող քանակների համար (օրինակ` օգտագործման ժամկետը, արտադրող երկիրը, գույնը և այլն)։ Այդ դեպքում տվյալ ապրանքը ելքագրելու ժամանակ կարող է անհրաժեշտ լինել մանրակրկիտ տեղեկատվություն տվյալ ապրանքի բոլոր ձեռքբերումների վերաբերյալ։ Այդ խնդիրները լուծելու համար համակարգում իրականացված է ապրանքների խմբաքանակային հաշվառում։
Համակարգում խմբաքանակը բնութագրող հատկություններն են.

Հատկություն	Նկարագրություն
Մատակարար	Պահեստի մուտքի օրդեր փաստաթղթի Մատակարար դաշտում նշված գործընկերը։
Պայմանագիր	Պահեստի մուտքի օրդեր փաստաթղթի Պայմանագիր դաշտում նշված արժեքը։
Փաստաթղթի տեսակ	Այն փաստաթղթի տեսակն է, որի միջոցով տվյալ ապրանքը մուտքագրվել է պահեստ։ Դա կարող է լինել Պահեստի մուտքի օրդեր, Կոմպլեկտավորում կամ Ապակոմպլեկտավորում։
Փաստաթղթի N	Պահեստի մուտքի օրդեր, Կոմպլեկտավորում կամ Ապակոմպլեկտավորում փաստաթղթերի համարները:
Մուտքի ամսաթիվ	Պահեստի մուտքի օրդեր, Կոմպլեկտավորում կամ Ապակոմպլեկտավորում փաստաթղթի ամսաթվերը։
Օգտագործման ժամկետ	Պահեստի մուտքի օրդեր փաստաթղթի ապրանքի տողում նշված օգտագործման ժամկետը:
Երկիր	Պահեստի մուտքի օրդեր փաստաթղթի ապրանքի տողում նշված արտադրող երկիրը։ Այս հատկության արժեքը համակարգը վերցնում է Երկրներ տեղեկատուից։
Արտադրող	Պահեստի մուտքի օրդեր փաստաթղթի ապրանքի տողում նշված արտադրողը։ Այս հատկության արժեքը համակարգը վերցնում է Արտադրողներ տեղեկատուից։
Հատկություն 1 Հատկություն 2	Յուրաքանչյուր ապրանքի հետ կարելի է ամրագրել իր խմբաքանակը բնութագրող երկու կամայական հատկություն։ Կազմակերպությունում օգտագործվող բոլոր տեսակի հատկությունները նկարագրվում են Հատկությունների տեսակներ տեղեկատուում։

Պահեստի առկայության և շարժի բոլոր հաշվետվությունները կարելի է ձևավորել ըստ ապրանքների կամ ապրանքների խմբաքանակների։
Իրացման կամ ելքի պահին բերվում է տեղեկություն քանակի և ինքնարժեքի վերաբերյալ` ըստ խմբաքանակների։ Դիտարկենք խմբաքանակների ձևավորման օրինակ։
Օրինակ։ 2014թ. մարտի 15-ին Գալատեյա կազմակերպությունը Աստղ կազմակերպությանը, համաձայն N 120-04 պայմանագրի, մատակարարել է Հունաստանում արտադրված 500 հատ 1 լիտր և 300 հատ 1,5 լիտր տարողությամբ Նարնջի հյութ։ Ընդ որում, 1 լիտր տարողություն ունեցող ապրանքներից 300 հատի օգտագործման ժամկետները լրանում են 2015թ. հունվար, իսկ 200 հատինը` 2015թ. փետրվար ամիսներին։ 1,5 լիտր տարողություն ունեցող ապրանքներից 200 հատի օգտագործման ժամկետները լրանում են 2015թ. հունվար, իսկ 100 հատինը` 2015թ. փետրվար ամիսներին։ Կազմակերպության պահեստ դա մուտքագրվել է N 075 պահեստի մուտքի օրդերի հիման վրա։ Այս դեպքում նույն ապրանքի համար կձևավորվեն հետևյալ խմբաքանակները.

Ապրանք	Քանակ(հատ)	Մատակարար	Պայմանագիր	Փաստաթղթի տեսակ	Փաստաթղթի N	Մուտքի ա/թ	Օգտագործման ժամկետ	Երկիր	Հատկություն (տարողություն)
Նարնջի հյութ	300	Գալատեյա	N 120-04	ՊՄՕ	N 075	15/03/14	28/02/15	Հունաստան	1 լիտր
Նարնջի հյութ	200	Գալատեյա	N 120-04	ՊՄՕ	N 075	15/03/14	31/01/15	Հունաստան	1 լիտր
Նարնջի հյութ	200	Գալատեյա	N 120-04	ՊՄՕ	N 075	15/03/14	28/02/15	Հունաստան	1.5 լիտր
Նարնջի հյութ	100	Գալատեյա	N 120-04	ՊՄՕ	N 075	15/03/14	31/01/15	Հունաստան	1.5 լիտր