Ուղղորդիչ:  Աշխատանքային միջավայր > Մուտքագրման դաշտեր > Աշխատանք ցուցակ տիպի դաշտերի հետ

Ցուցակ տիպի դաշտերը ծառայում են կցված ցուցակի նշված սյան արժեքներն ընդունելու համար: Այն կիրառվում է երկու առարկաների միջև կապ ստեղծելու համար, օրինակ` փաստաթղթի և գործընկերների ցուցակի:

Արժեքը կարելի է մուտքագրել ստեղնաշարից, ընտրել կցված ցուցակից  կամ տեղադրել նախկինում պատճենված արժեքը։

Ընտրման համար նախատեսված ցուցակը կարող է պարունակել մեկից ավելի սյուներ, սակայն դաշտը կապվում է սյուներից մեկի հետ: Սովորաբար դա ցուցակի առաջին սյունն է, օրինակ` Կոդ, Տեսակ և այլն:

Համակարգում թույլ չի տրվում մուտքագրել ցուցակում գոյություն չունեցող արժեք: Այս դեպքերում հայտնվում է նշանը, որը զգուշացնում է սխալ արժեքի մասին:

 

 

Դաշտում մուտքագրված արժեքը ջնջելու համար օգտագործվում են DELETE կամ BACKSPACE ստեղները:

Սովորաբար դաշտի աջ կողքից ցուցադրվում է ընտրված տողը բնութագրող երկրորդ արժեքը, օրինակ` Անվանումը:

Ցուցակներն արագ ձևավորելու համար, դաշտի աջ մասում կարող են ցուցադրվել տողն ավելացնելու և ընտրված տողը խմբագրելու կոճակները: Տողը կարելի է ավելացնել սեղմելով կոճակը կամ CTRL+N ստեղների համադրությունը, իսկ ընտրված տողը խմբագրելու համար` կոճակը կամ CTRL+E ստեղների համադրությունը:

 

 

Բացել ցուցակը

Ցուցակը բացելու համար անհրաժեշտ է կատարել հետևյալ կետերից որևէ մեկը.

•սեղմել աջ մասում գտնվող Սլաք ներքև () կոճակը

•սեղմել F4 կամ PAGEDOWN ստեղնը

•սեղմել CTRL+Սլաք ներքև ստեղների համադրությունը:

Ցուցակը կարելի է փակել սեղմելով ESC ստեղնը կամ վերնագրի աջ անկյունում գտնվող կոճակով.

 

Ցուցակից ընտրություն

Ցուցակից անհրաժեշտ տողը կարելի է ընտրել մկնիկի կրկնակի սեղմումով կամ ENTER ստեղնով:

 

Ցուցակում արագ փնտրում

Անհրաժեշտ տողն արագ գտնելու համար պետք է կատարել հետևյալ քայլերը.

•բացել ցուցակը և ընտրել սյունը որով կատարվելու է որոնումը,

•ստեղնաշարից մուտքագրել փնտրվող արժեքը, Մուտքագրված արժեքը կարելի է ջնջել DELETE կամ BACKSPACE ստեղների միջոցով:

•ֆիլտրված տողերից մկնիկով կամ ստեղնաշարից սլաքների միջոցով ընտրել անհրաժեշտ տողը:

 

 

Տողն արագ գտնելու համար կարելի է նախապես փնտրվող արժեքը մուտքագրել դաշտում և հետո բացել կից ցուցակը։ Եթե ցուցակում կա մուտքագրված արժեքով սկսվող տողը, ապա այն կդառնա ընթացիկ: 

Աշխատանք ցուցակի հետ

Համակարգում ընձեռնված է ընտրման ցուցակի հետ աշխատանքի լայն հնարավորություններ։ Ցուցակում տողերը դասավորելու և ֆիլտրելու, սյուները թաքցնելու, տեղափոխելու և չափը փոխելու միջոցների հետ կարելի է ծանոթանալ ձեռնարկի Ցուցակ բաժնում:

 

Բազմանշումային ցուցակ տիպի դաշտեր

Որոշ դեպքերում ցուցակ դաշտում կարելի է մուտքագրել մեկից ավելի արժեքներ՝ բաժանելով դրանք ստորակետներով։ Ընտրման ցուցակում մեկ կամ մի քանի տողեր ընտրելու համար, պետք է կատարել նշումներ առաջին սյունում։ Տողը կարելի է նշել մկնիկով կամ սեղմելող SPACE ստեղնը։