Փոխանցող/Ստացողի դասակարգում

Սյունակում  ներկայացվում  է  ՀՀ տարածքում  գումարի  փոխանցումը  նախաձեռնող  կամ  ՀՀ  տարածքում  գումարը ստացող  կողմը,  որը  լրացվում  է  ըստ  նշված  դասակարգման`

•«բանկ»,

•«ոչ բանկ ֆինանսական  կազմակերպություն»,

•«իրավաբանական անձ»,

•«անհատ ձեռնարկատեր»,

•«ֆիզիկական անձ»

Եթե փոխանցումը կատարվում է հաճախորդային հաշվով, ապա լրացվում է ըստ «հաճախորդի քարտ» փաստաթղթի տվյալների հետևյալ կերպ. հաճախորդի «Գործունեության ոլորտ»-ը «2*» կամ «3» լինելու դեպքում լրացվում է «ոչ բանկ ֆինանսական  կազմակերպություն», «1*»` «բանկ»: Եթե «Իրավաբանական կարգավիճակ»-ը «21» է, լրացվում է «ֆիզիկական անձ», եթե «22» է` «անհատ ձեռնարկատեր», «1*»-ով` «Իրավաբանական անձ»:

Ոչ հաճախորդային հաշվով կատարվող գործարքները լրացվում են ըստ վճարային փաստաթղթի «Հաշվի տիպ» դաշտում լրացված արժեքի։

ՀՀ ուղարկված/ստացված

Սյունակում լրացվում է «ուղարկված» կամ «ստացված» արտահայտությունը: Սյան արժեքը լրացվում է` ելնելով վճարային փաստաթղթի տեսակից:

ՀՀ-ում  ուղարկվել/ ստացվել  է  բանկային  հաշվով  կամ  կանխիկ  միջոցներով

Սյունակում  լրացվում  է «բանկային  հաշվով»  կամ «կանխիկ  միջոցներով» արտահայտությունը:

Ուղարկվողի դեպքում լրացվում է վճարային փաստաթղթի «Վճարողի հաշիվ» դաշտի արժեքը: Եթե հաշվի տիպը դրամարկղային է, լրացվում է «Կանխիկ միջոցներով», հակառակ դեպքում` «Բանկային հաշվով»: Ստացվողի դեպքում լրացվում է համապատասխան փաստաթղթի «Հաշիվ դեբետ» դաշտի արժեքին:

Փոխանցման  միջոց/համակարգ

Սյունակում  լրացվում  է  տվյալ փոխանցումը/ստացումը  իրականացնելու  հետ  կապված  այն  դրամական փոխանցումների իրականացման համակարգի անվանումը, որի միջոցով ստացվել կամ փոխանցվել է գումարը: Սյունը լրացվում է` ելնելով վճարային փաստաթղթի վրա լրացված «Օգտագործվող վճարային համակարգ» դաշտի արժեքից: Եթե բանկի կողմից արտասահմանյան փոխանցումներ կատարելու  համար  չի  շահագործվում  որևէ  վճարային  համակարգ,  այլ փոխանցումները իրականացվում են թղթակցային հաշիվներով՝ օգտագործելով որևէ տեխնիկածրագրային միջոց (օրինակ՝  ՍՎԻՖԹ,  տելեքս,  Ֆաքս,  և  այլ), ապա  այդ փոխանցումները  դասակարգվում  և  նշվում  են  որպես «Փոխանցումներ  այլ միջոցներով՝ բանկի թղթակցային հաշիվներով»

Տեխնիկածրագրային միջավայր

Սյունակում լրացվում է այն տեխնիկածրագրային միջավայրը, որը բանկի կողմից օգտագործվում է «Փոխանցման միջոց/համակարգ» աղյուսակում նշված համակարգերով, ինչպես նաև«Փոխանցումներ այլ միջոցներով՝ բանկի  թղթակցային  հաշիվներով»  համապատասխան  տողում  նշված

փոխանցումների/ստացումների իրականացման համար: Եթե փաստաթղթի տեսակը «Միջազգային վճարման հանձնարարգիր (ուղ.)» և «Միջազգային վճարման հանձնարարգիր (ստ.)» է լրացվում է «ՍՎԻՖԹ», մնացած դեպքերում` «Ինտերնետ Միջավայր»

ՀՀ-ում  ստացման/ փոխանցման  մարզը  կամ  տարածաշրջանը

Սյունակում լրացվում է Երևան քաղաքը կամ այն մարզը, որտեղ իրականացվել է հաճախորդի կողմից դեպի արտասահման փոխանցում կատարելու նախաձեռնումը կամ դեպի ՀՀ  ուղղված  միջոցների  ստացումը: Սյան արժեքը լրացվում է` ելնելով վճարային փաստաթղթի «Երկիր» դաշտի արժեքից:

Փոխանցման/ստացման երկրի ISO կոդը

Սյունակում լրացվում է ՀՀ-ից բացի այն Երկրի  կոդը (ըստ ISO 3166-1 alpha-3  միջազգային  ստանդարտի),  որտեղից կատարվել է դեպի ՀՀ փոխանցումը, կամ այն Երկրի կոդը, որտեղ պետք է կատարվի դեպի արտասահման փոխանցված գումարի վճարումը: Սյան արժեքը լրացվում է` ելնելով վճարային փաստաթղթի «Երկիր» դաշտում լրացված երկրի «Երկրներ» տեղեկատուի համապատասխան «Երկիր» փաստաթղթի «ISO կոդ» արժեքից:

Փոխանցման  նպատակը

Սյունակում լրացվում է «առևտրային», «ոչ առևտրային»  կամ «Հաշվից հաշիվ փոխանցում» արժեքներից մեկը: Սյան արժեքը որոշվում է` ելնելով վճարային փաստաթղթի «Լրացուցիչ» էջում «Առևտրային նպատակով» և «Հաշվից հաշիվ փոխանցում» ստուգավանդակներից։

Գումարի  մեծության  դասակարգիչ (ԱՄՆ  դոլարին  համարժեք)

Սյունակում լրացվում  է  յուրաքանչյուր  փոխանցված/ ստացված  մեկ  գումարի  մեծությունից կախված  միևնույն  տողում  խմբավորված  գումարների  դասակարգման բնութագրումը՝ ըստ «մինչև 10000» կամ «10000 և ավել» տարբերակների: Սույն հաշվետվության միևնույն տողում  փոխանցված/ստացված գումարների խմբավորման ժամանակ հաշվի է առնվում մեկ փոխանցված/ստացված գումարի մեծությունը

Փոխանցման/ստացման  գումարը  և  արժույթի ISO  կոդը

Սյունակի համապատասխան ենթասյուներում լրացվում է  փոխանցման կատարման կամ վճարման համար ստացված գումարը և վերջինիս ISO կոդը: Սյուների արժեքները լրացվում են փաստաթղթերի համապատասխանաբար «Գումար» և «Արժույթ» դաշտերի արժեքներից:

Գումարը  արտահայտված  ԱՄՆ  դոլարով

Սյունակում լրացվում է փոխանցման կատարման կամ  վճարման համար ստացված գումարը արտահայտված ԱՄՆ դոլարով, հաշվարկված տվյալ օրվա դրությամբ՝ արժույթ/ԱՄՆ  դոլար ԿԲ-ի հաշվարկային փոխարժեքով:

Գումարը  արտահայտված  ՀՀ  դրամով

Սյունակում  լրացվում  է  փոխանցման կատարման կամ վճարման համար ստացված գումարը արտահայտված ՀՀ դրամով, հաշվարկված տվյալ օրվա դրությամբ՝ ՀՀ դրամ/ԱՄՆ դոլար ԿԲ-ի հաշվարկային փոխարժեքով:

Քանակ

Սյունակում լրացվում են նույն բնութագրիչներն (բացառությամբ գումարային դաշտերի) ունեցող փոխանցումների/ ստացումների քանակը: