Վաճառքներ/Գնումներ > Փաստաթղթեր

Վաճառք փաստաթուղթը նախատեսված է վաճառքների իրականացման համար։ Փաստաթղթում ապրանքների ցուցակը կարելի է լրացնել նաև օգտվելով գծիկավոր կոդ (barcode) կարդացող սարքից (սկաներից)։

Վաճառք փաստաթղթի գրանցումը կատարվում է հետևյալ պատուհանի միջոցով.

Sales_Documents_PosSale

Վաճառք փաստաթղթի պատուհանը կարելի է կանչել` սեղմելով ստեղնաշարից F12 ստեղնը։

Դաշտ	Նշանակություն
Ամսաթիվ	Վաճառք փաստաթղթի ստեղծման ամսաթիվը: Համակարգն ավտոմատ առաջարկում է ընթացիկ ամսաթիվը:
Փաստաթղթի N	Վաճառք փաստաթղթի համարը: Համակարգն ավտոմատ առաջարկում է այս փաստաթղթի հերթական համարը: Այն առաջարկվում է նաև սեղմելով CTRL+M ստեղների համադրությունը կամ դաշտին կից կոճակը:
ՀԴՄ կտրոնի N	Լրացվում է ՀԴՄ կտրոնի համարը: Խմբագրման ենթակա չէ:
Գնորդ	Նշվում է գնորդի կոդը: Ընդունում է արժեքներ Գործընկերներ տեղեկատուից:
Պարտք	Այս դաշտը խմբագրման ենթակա չէ, այստեղ պատկերվում է գործընկերոջ վերջնական պարտքը։ Դաշտի արժեքը թարմացնելու համար նախատեսված է կոճակը։
Զեղչի տոկոս	Կարելի է լրացնել տոկոսը, որի չափով պետք է կատարվի գների իջեցումը տվյալ վաճառքի ժամանակ։ Այս դաշտում կարելի է լրացնել նաև բացասական տոկոս։ Այդ դեպքում տեղի կունենա տվյալ տոկոսի չափով գների բարձրացում։ Գնորդին ընտրելուց հետո այս դաշտը ավտոմատ լրացվում է, Եթե տվյալ գործընկերոջ քարտում լրացված է Վաճ. Զեղչի % դաշտը:
Ընդամենը	Այս դաշտը խմբագրման ենթակա չէ, այստեղ ավտոմատ լրացվում է վճարման ենթական ընդհանուր գումարը։
Կանխիկ (F6)	Այս դաշտում լրացվում է կանխիկով ստացված գումարը:
Անկանխիկ (F4)	Այս դաշտում լրացվում է անկանխիկ ստացված գումարը:
Ապառիկ	Այս դաշտը խմբագրման ենթակա չէ, այստեղ ավտոմատ լրացվում է ապառիկով ձևակերպված գումարը:
Վճարման ենթակա/Մանր	Այս դաշտը խմբագրման ենթակա չէ, համակարգն այստեղ լրացնում է Ընդամենը և Կանխիկ, Անկանխիկ, Ապառիկ դաշտերի արժեքների տարբերությունը, որը գնորդին վճարվելիք մանրն է։

Վաճառք փաստաթղթի պատուհանում կան մի շարք կոճակներ և մուտքագրման դաշտ, որոնք նախատեսված են փաստաթղթի հետ աշխատանքը ավելի հեշտ և արագ դարձնելու համար։

Մուտքագրել արժեք դաշտը և դրան կից կոճակները աշխատում են հետևյալ կերպ. դաշտում կարելի է մուտքագրել պահանջվող ապրանքի գծիկավոր կոդը, կոդը կամ անվանումը և սեղմել համապատասխան կոճակը։ Այդ դեպքում տվյալ ապրանքը կավելանա ապրանքների ցուցակում։ Գծիկավոր կոդի և Կոդի դեպքում պետք է մուտքագրել արժեքն ամբողջությամբ։ Անվանման դեպքում կարելի է մուտքագրել ապրանքի անվանման մի մասը։ Այդ դեպքում կոճակը սեղմելուց հետո բացվում է ընտրման ցուցակ, որտեղ երևում են բոլոր այն ապրանքները, որոնց անվանման մեջ պարունակվում է մուտքագրված արժեքը։ Այդ ցուցակից արդեն կարելի է ընտրել անհրաժեշտ ապրանքը։ Մուտքագրման դաշտում արժեք մուտքագրելու և կոճակը սեղմելու դեպքում ապրանքների ցուցակի ընթացիկ տողի քանակ դաշտում կլրացվի տվյալ արժեքը։ Անկանխիկ կոճակով բացվող պատուհանում լրացվում է Վճարային համակարգերի միջոցով ստացված գումարը:

Ապառիկ կոճակի միջոցով նշվում է ապառիկ տրվող գումարի չափը: Ապառիկ գումար նշելու համար անհրաժեշտ է, որ նշված լինի Գնորդ դաշտը:

Այս կոճակների, ինչպես նաև Մուտքագրել արժեք և Կանխիկ մուտքագրման դաշտերի համար գործում են նաև արագ հասանելիության ստեղներ, որոնք գրված են կոճակների վրա կամ մուտքագրման դաշտերի կողքին։

Ապրանքների ցուցակի վերևում տեղադրված կամ կոճակը սեղմելիս ընթացիկ տողի քանակը կավելանա կամ կպակասի մեկով։

կոճակը նախատեսված է թերմոտպիչի վրա ապրանքային կտրոն տպելու համար։ Թերմոտպիչի հետ աշխատանքը կարգավորվում է դրույթների Սարքավորումներ էջում։ կոճակը նախատեսված է ՀԴՄ կտրոն տպելու համար:

Անվանացուցակ աղյուսակում լրացվում են վաճառվող ապրանքների կոդը, անվանումը, չափման միավորը, քանակը, վաճառքի գինը, գումարը և ԱԱՀ-ի տեսակը։ Ցուցակը լրացնելու համար նախատեսված են նոր տող ավելացնելու , ընթացիկ տողը պատճենելու և հեռացնելու կոճակներ: Աշխատանքը ցուցակում նկարագրված է Աշխատանք փաստաթղթում գտնվող ցուցակների հետ բաժնում: