Համակարգային

Ուղղորդիչ:  Դրույթներ >

Համակարգային

Previous pageReturn to chapter overviewNext page

Դրույթների Համակարգային էջը նախատեսված է պահուստային պատճեններն ավտոմատ գրանցելու, պատճենների տեղը նշելու և հաշվետվությունների հարցման մեխանիզմը կառավարելու համար:

Options.System

Այս էջը պարունակում է հետևյալ դաշտերը.

Դաշտ

Նշանակություն

Ավտոմատ ստեղծել պահուստային պատճեն յուր. N օրը մեկ

Եթե այս հայտանիշը նշված է, ապա համակարգ մտնելիս ավտոմատ կստեղծվի պահուստային պատճենը, եթե վերջին պահուստային պատճենի գրանցումից անցել է նշված թվով օրեր:

Լոկալ պատճենում: Պահուստային պատճեն ստեղծելիս ավտոմատ արտահանել նշված գրադարան

Դրոշակը միացված լինելու դեպքում Options.System.Browse կոճակով սերվեր համակարգչում կարելի է ընտրել ևս մեկ լոկալ գրադարան (Google Drive, Microsoft OneDrive, Yandex.Disk և այլն), որտեղ բացի հիմնական տեղից (C:\, D:\ դիսկերի MSSQL թղթապանակ) ավտոմատ կպահպանվեն ստեղծված պահուստային պատճենները: Կլիենտ համակարգիչներում նույնպես կարելի է նշել լոկալ գրադարան և այնտեղ ևս ավտոմատ կպահպանվեն ստեղծված պահուստային պատճենները:

Օնլայն պատճենում: Պահուստային պատճեն ստեղծելիս ավտոմատ արտահանել Dropbox

Դրոշակը միացված լինելու դեպքում ստեղծված պահուստային պատճենները ավտոմատ կարտահանվեն Dropbox: Միանալ Dropbox ամպային պահոցին կոճակով ընտրում ենք Dropbox-ի այն հաշիվը, որտեղ պահպանվելու են պահուստային պատճենները: Օնլայն պատճենման և Լոկալ պատճենման դրոշակները միաժամանակ միացնել հնարավոր չէ:

Հաշվետվության հարցման կատարման առավելագույն ժամանակ (վայրկյան)

Այս դաշտում նշվում է, թե համակարգն առավելագույնը քանի վայրկյան կարող է աշխատել օգտագործողի կողմից կանչված հաշվետվությունը ձևավորելու համար: Եթե համակարգին չի հաջողվում սահմանված ժամանակի ընթացքում ձևավորել հաշվետվությունը, ապա հարցման կատարումը կդադարեցվի և կհայտնվի այդ մասին հաղորդագրություն:

ՏՊ մասնակցում է տվյալների փոխանակման գործընթացում

Դրոշակը միացված լինելու դեպքում տվյալների պահոցից ավտոմատ տվյալներ կուղարկվեն և կստացվեն այլ ՀԾ-Համակարգերից:

Օգտագործող

Այն էլեկտրոնային հասցեն է, որտեղից ուղարկվելու են էլեկտրոնային նամակներ:

Գաղտնաբառ

Օգտագործող դաշտում լրացված էլեկտրոնային հասցեի գաղտնաբառն է:

Սերվեր

Այս դաշտում նշվում է SMTP սերվերի հասցեն, օրինակ Google-ի դեպքում`smtp.gmail.com:

Պորտ

Նշվում է պորտը, որով աշխատում է սերվերը:

Նամակի բովանդակություն

Հաշվարկային թերթիկները էլեկտրոնային փոստով ուղարկելիս կցվող նամակի բովանդակությունն է:

Համակարգ մուտք գործելիս ցուցադրել օրացույցը

Դրոշակը միացված լինելու դեպքում օրվա ընթացքում տվյալների պահոց առաջին անգամ մուտք գործելիս կբացվի հաշվապահի օրացույցը: