Հիմնական Միջոցներ > Մատյաններ > ՀՄ փաստաթղթերի մատյան

Մատյանում արտացոլվում են հաշվետու ժամանակահատվածում համակարգի Հիմնական միջոցներ ենթահամակարգում գրանցված բոլոր փաստաթղթերը:

Այս մատյանը ստեղծելու համար բերվող դիալոգ պատուհանը ունի հետևյալ դաշտերը.

Դաշտ	Նշանակություն
Ժամանակահատված	Պարտադիր լրացվող ամսաթիվ տիպի դաշտերի զույգ է: Մատյանում կընդգրկվեն միայն այդ ժամանակահատվածում գրանցված փաստաթղթերը:
Տեսակ	Փաստաթղթի տեսակը: Դաշտին կից ընտրման ցուցակում կարելի է նշել փաստաթղթի մեկ կամ մի քանի տեսակ: Մատյանում կընդգրկվեն նշված տեսակի փաստաթղթերը, իսկ դաշտը դատարկ լինելու դեպքում` բոլոր տեսակի փաստաթղթերը:
Գործընկեր	Մատյանում կընդգրկվեն միայն նշված գործընկերոջ հետ կապված փաստաթղթերը:
Գույքային համար	ՀՄ-ի գույքային համարը: Մատյանում կընդգրկվեն միայն նշված գույքային համարի հետ կապված փաստաթղթերը:
Վիճակ	Փաստաթղթի վիճակը: Մատյանում կընդգրկվեն Սևագիր, Հեռացված կամ Գրանցված վիճակում գտնվող փաստաթղթերը: Դաշտը դատարկ լինելու դեպքում` կընդգրկվեն բոլոր փաստաթղթերը:

Մատյանի սյուները պարունակում են փաստաթղթի հետևյալ դաշտերի տվյալները.

Դաշտ	Նշանակություն
Ամսաթիվ	Ստեղծման ամսաթիվը:
Օրվա հ/հ	Օրվա հերթական համարն է: Օգտագործվում է վերագրանցումների և վերադասավորումների ժամանակ: Փաստաթղթերը գրանցում են 0-ից սկսած` տասական ավելացումներով:
Փաստաթղթի N	Հերթական համարը:
Տեսակ	Փաստաթղթի տեսակը:
Գումար	Հիմնական գումարը:
Գույքային համար	ՀՄ-ի գույքային համարը:
Գործընկեր	Գործընկերոջ կոդը: Եթե տվյալ փաստաթղթի հետ գործընկեր կապված չէ, ապա այս դաշտը դատարկ է մնում:
Գործընկերոջ անվանում	Գործընկերոջ անվանումը: Եթե տվյալ փաստաթղթի հետ գործընկեր կապված չէ, ապա այս դաշտը դատարկ է մնում:
Մեկնաբանություն	Մեկնաբանություն փաստաթղթի վերաբերյալ:
Վիճակ	Փաստաթղթի վիճակը: Փաստաթուղթը կարող է գտնվել Սևագիր, Հեռացված կամ Գրանցված վիճակներում: Ի տարբերություն Գրանցված վիճակի` Հեռացված և Սևագիր վիճակում փաստաթուղթը չի արտացոլվում համակարգի ոչ մի հաշվառման մեջ: Այն ծառայում է միայն փաստաթղթի դաշտերում մուտքագրված արժեքները հիշելու համար: Փաստաթղթերի վիճակը կարելի է փոխել խմբագրման ժամանակ կամ կոնտեքստային ցանկի համապատասխան հրահանգով:
Գործառնություն	Ցույց է տալիս` տվյալ փաստաթղթի գործառնություններն ինչպես են գրանցվել: Եթե գործառնությունները գրանցվել են ավտոմատ, ապա կպատկերվի նշանը: Խմբագրման ռեժիմով մուտքագրված լինելու դեպքում` նշանը: Առանց գործառնության փաստաթղթերի համար սյան արժեքը կլինի դատարկ:
Օգտագործող	Օգտագործողի անունը: Նշվում է այն օգտագործողի անունը, ով վերջինն է աշխատել (գրանցել կամ խմբագրել) տվյալ փաստաթղթի հետ:
Վերջին փոփոխություն	Փաստաթղթի վերջին խմբագրման ամսաթիվը և ժամը:

Մատյանի ընթացիկ տողի փաստաթղթին վերաբերվող գործողություններն են.

•Ավելացնել. ավելացնել նոր փաստաթուղթ:

•Դիտել տպելու ձևը. դիտել փաստաթղթի տպվող տեսքը:

•Խմբագրել. խմբագրել փաստաթուղթը:

•Հեռացնել. հեռացնել փաստաթուղթը:

•Ստեղծել պատճեն. ստեղծվում է նոր նմանատիպ փաստաթուղթ, լրացված ընթացիկ փաստաթղթի տվյալներով:

•Փաստաթղթի պատմություն. բերվում է հաշվետվություն փաստաթղթի գրանցման և խմբագրման վերաբերյալ: Ցուցադրվում է, թե որ Օգտագործողի կողմից և երբ են կատարվել փոփոխությունները:

•Գեներացնել գործառնություններ. գեներացնում է հաշվապահական ձևակերպումը փաստաթղթում և դրույթներում լրացված արժեքների հիման վրա:

•Գործառնության հեռացում. հեռացվում են հաշվապահական ձևակերպումները:

•Դարձնել սևագիր. մնացորդները չկարմրելու դեպքում, հեռացվում են փաստաթղթի գրանցման արդյունքում ստեղծված գործողություններն ու ավտոմատ գործառնությունները, իսկ փաստաթուղթը հիշվում է Սևագիր վիճակում: Խմբագրման ռեժիմով գրանցված ձևակերպումները պահպանվում են սևագիր ձևակերպումների տեսքով:

•Գրանցել. փաստաթուղթը գրանցվում է անալիտիկ հաշվառման մեջ: Ընդ որում հնարավոր է նաև փաստաթուղթը գրանցել իր գումարային գործառնություններով:

•Փոխել օրվա հերթական համարը. Փոխվում է փաստաթղթի օրվա հերթական համարը: Կարելի է նաև փաստաթուղթը տեղափոխել օրվա սկիզբ կամ ավարտ:

•Վերև. Փոխվում է սևագիր փաստաթղթի օրվա հերթական համարը` դեպի վեր: Օրվա հերթական համարը նվազում է` փաստաթուղթը տեղափոխելով նախորդ փաստաթղթից առաջ:

•Ներքև. Փոխվում է սևագիր փաստաթղթի օրվա հերթական համարը` դեպի ներքև: Օրվա հերթական համարը մեծանում է` փաստաթուղթը տեղափոխելով հաջորդ փաստաթղթից առաջ:

Մատյանի վերնագիրը պարունակում է հաշվետու ժամանակահատվածը: Ցանկացած պահի թարմացնել (CTRL+R) սեղմելով` կստանաք նոր, թարմացված մատյանն ըստ այդ ժամանակահատվածի:

Տես ավելին`

Ի՞նչ դեպքերում կարող է առաջանալ շեղում սինթետիկ հաշիվների և նյութական արժեքների մնացորդների միջև