Հիմնական Միջոցներ > Փաստաթղթեր

ՀՄ գույքագրում փաստաթուղթը նախատեսված է կառուցվածքային ստորաբաժանումներում հիմնական միջոցների գույքագրում անցկացնելու համար: ՀՄ գույքագրում փաստաթղթի հիման վրա կարելի է կազմել Հիմնական միջոցների գույքագրման ցուցակ (գ-1) և ՀՄ-ների գույքագրման արդյունքների համեմատական տեղեկագիր (գ-11) հաշվետվությունները: Հաշվետվությունները կանչելու համար անհրաժեշտ է նախ գրանցել փաստաթուղթը, այնուհետև փաստաթղթի Ժապավենի Գործողություններ ներդիրի Տպելու ձևանմուշ բաժնից ընտրել համապատասխան հաշվետվության ձևը և սեղմել Դիտել (F5):

FixedAssets.Documents.Inventory0

Փաստաթղթի պատուհանը բաղկացած է 3 էջերից` Ընդհանուր, Ավելցուկներ և Հանձնաժողովի անդամներ:

Գլխավոր մասի դաշտերը հետևյալն են.

Դաշտ	Նշանակություն
Ամսաթիվ	Գույքագրման ամսաթիվը: Համակարգն ավտոմատ առաջարկում է ընթացիկ ամսաթիվը:
Փաստաթղթի N	ՀՄ գույքագրում փաստաթղթի համարը: Համակարգն ավտոմատ առաջարկում է այս փաստաթղթի հերթական համարը: Այն առաջարկվում է նաև սեղմելով CTRL+M ստեղների համադրությունը կամ դաշտին կից կոճակը:
Կառուցվածքային ստորաբաժանում	Կառուցվածքային ստորաբաժանում, որտեղ կատարվում է գույքագրումը: Գույքային համարներ ցուցակը լրացնելուց հետո այս դաշտը խմբագրման ենթակա չէ:

Ընդհանուր էջի տեսքը հետևյալն է.

FixedAssets.Documents.Inventory1

Դաշտ	Նշանակություն
Նյութ. պատասխ. անձ	Կազմակերպության աշխատող, որի նյութական պատասխանատվությանը հանձնված հիմնական միջոցներն են գույքագրվում: Գույքային համարներ ցուցակը լրացնելուց հետո այս դաշտը խմբագրման ենթակա չէ:
Հաշվառում	Գույքագրել ՀՄ-ների ֆինանսական կամ հարկային հաշվառման տվյալները: Գույքային համարներ ցուցակը լրացնելուց հետո այս դաշտը խմբագրման ենթակա չէ:
Մեկնաբանություն	Մեկնաբանություն փաստաթղթի վերաբերյալ:

Լրացնել կոճակը սեղմելիս Գույքային համարներ ցուցակում լրացվում են նշված կառուցվածքային ստորաբաժանումում և նշված նյութական պատասխանատու անձի մոտ հաշվառվող ՀՄ-ների տվյալները: Տվյալները բերվում են գույքագրման օրվա դրությամբ: Այդ ցուցակում սյուներն ունեն հետևյալ նշանակությունները.

Սյուն	Նշանակություն
Գույքային համար	ՀՄ-ի գույքային համարը:
Անվանում	ՀՄ-ի անվանումը:
Հաշվ.քանակ	Այս դաշտում համակարգը լրացնում է 1 թիվը:
Փաստ.քանակ	Այս դաշտը նախատեսված է ՀՄ-ի փաստացի քանակը մուտքագրելու համար: Համակարգն այս դաշտում լրացնում է 1 թիվը, որը կարելի է խմբագրել և դարձնել 0:
Համախ. հաշվ. արժեք	Այս դաշտում համակարգը լրացնում է նշված կառուցվածքային ստորաբաժանումում և նշված նյութական պատասխանատու անձի մոտ հաշվառվող ՀՄ-ի ֆինանսական կամ հարկային հաշվառման համախառն հաշվեկշռային արժեքը:
Փաստ. արժեք	Այս դաշտը նախատեսված է ՀՄ-ի փաստացի համախառն հաշվեկշռային արժեքը մուտքագրելու համար: Համակարգն այս դաշտում լրացնում է հաշվառված համախառն հաշվեկշռային արժեքը, որը կարելի է խմբագրել:

Ընթացիկ տողը խմբագրելիս թույլատրվում է խմբագրել Փաստ.քանակ և Փաստ. արժեք դաշտերը:

Ավելցուկներ էջի տեսքը հետևյալն է.

FixedAssets.Documents.Inventory2

Ավելցուկներ ցուցակում լրացվում են նշված կառուցվածքային ստորաբաժանումում և նշված նյութական պատասխանատու անձի մոտ գույքագրման արդյունքում հայտնաբերված ՀՄ-ների տվյալները, որոնք չեն հաշվառվել հաշվապահության մեջ: Անմիջապես այստեղից ՀՄ-ի մուտքագրում կոճակով բացվում է հիմնական միջոցի մուտքագրման պատուհան, որով մուտքագրվում է գույքագրման արդյունքում հայտնաբերված նոր հիմնական միջոցը: Այս ցուցակում սյուներն ունեն հետևյալ նշանակությունները.

Սյուն	Նշանակություն
Գույքային համար	ՀՄ-ի գույքային համարը:
Անվանում	ՀՄ-ի անվանումը:
Փաստ.գումար	Այս դաշտը նախատեսված է հաշվապահության մեջ չհաշվառված ՀՄ-ի համախառն հաշվեկշռային արժեքը մուտքագրելու համար:
Թողարկման տարեթիվ	Մուտքագրվում է ՀՄ-ի թողարկման տարեթիվը:
Գործարանային համար	Մուտքագրվում է ՀՄ-ի գործարանային համարը:
Տեխնիկական անձնագիր	Մուտքագրվում է ՀՄ-ի տեխնիկական անձնագրի համարը:

Ցուցակը լրացնելու համար նախատեսված են նոր տող ավելացնելու , ընթացիկ տողը պատճենելու և հեռացնելու կոճակներ: Աշխատանքը ցուցակում նկարագրված է Աշխատանք փաստաթղթում գտնվող ցուցակների հետ բաժնում:

Հանձնաժողովի անդամներ էջի տեսքը հետևյալն է.

FixedAssets.Documents.Inventory3

Այս էջում լրացվում է հանձնաժողովի նախագահի և երկու անդամների Ա.Ա.Հ. և զբաղեցրած պաշտոնները:

ՀՄ գույքագրում փաստաթուղթը գրանցվում է Հիշել , Հիշել և փակել , Հիշել և նոր կոճակները սեղմելիս, այն տարբերությամբ, որ Հիշել և փակել կոճակը սեղմելիս պատուհանը փակվում է, իսկ Հիշել և նոր կոճակը սեղմելիս թույլատրվում է լրացնել ու գրանցել հերթական փաստաթուղթը: Վերջին դեպքում որոշ դաշտեր դատարկվում են, իսկ որոշ մուտքի դաշտեր էլ մնում են անփոփոխ:

ՀՄ գույքագրում փաստաթղթի հիման վրա կարելի է ստեղծել Դուրսգրման ակտ փաստաթուղթը: Այդ դեպքում Դուրսգրման ակտում լրացվում են այն հիմնական միջոցների տվյալները, որոնց գույքագրման արդյունքում հայտնաբերվել է պակասորդ: ՀՄ գույքագրում փաստաթղթի հիման վրա Դուրսգրման ակտ ստեղծելու համար պետք է ՀՄ-ների փաստաթղթերի մատյանում տվյալ փաստաթղթի վրայից աջ կտտոցով բացվող կոնտեքստային ցանկից ընտրել Ստեղծել փաստաթղթի հիման վրա... հրամանը: