Ուղղորդիչ:  Առաջին մակարդակ Որակի բարելավման ծրագիր

Հայկական Ծրագրերի համակարգերն օգտագործվում են հազարավոր հաճախորդների կողմից, այդ իսկ պատճառով հաճախորդների հետ կապ հաստատելը և նրանց արձագանքները հավաքագրելը բարդ գործընթաց է: Որակի բարելավման ծրագրի նպատակն է հնարավորություն տալ ՀԾ-Համակարգերի հղկման գործընթացում ներգրավել բոլոր հաճախորդներին` աշխատանքի անխափանությունն ապահովելու համար: Որակի բարելավման ծրագրին կարող եք մասնակցել կամավոր կերպով:

Որակի բարելավման ծրագիրը հնարավորություն է տալիս հավաքագրել տեղեկատվություն այն մասին, թե ինչ համակարգով է աշխատում հաճախորդը և ինչ խնդիրներ են առաջացել աշխատանքի ընթացքում: Առաջացած սխալների մասին հաղորդագրությունները և դրանց առաջացման պայմանները, համակարգչի պարամետրերի վերաբերյալ տվյալները օգտագործողի համակարգչից ավտոմատ հավաքագրվում են և ուղարկվում տվյալների հավաքագրման կենտրոն: Ստացված տվյալներն օգտագործվում են համակարգերի` հաճախ կիրառվող հնարավորությունների բարելավման և առաջացած խնդիրների կարգավորման համար:

Հայկական Ծրագրեր ընկերությունը երաշխավորում է հավաքագրված տվյալների գաղտնիությունը:

Հաճախորդների փորձով համակարգի որակի բարելավման ծրագրին միանալու համար հարկավոր է կատարել հետևյալ քայլերից որևէ մեկը.

1. Ծրագրի տեղադրման ընթացքում հարկավոր է միացված թողնել Participate in the customer experience improvement program դրոշակը

2. Դրույթների Համակարգային էջում միացված թողնել Որակի բարելավման ծրագրի դրոշակը:

Հաճախորդների փորձով համակարգի բարելավման ծրագրից հրաժարվելու համար կարող եք անջատել վերը նշված դրոշակները: