Հաշվապահություն > Հաշվետվություններ > Ներդրման փուլի հաշվետվություններ

Հաշվետվությունում արտապատկերվում են Հաշվային պլան տեղեկատուի բոլոր վերջին մակարդակի հաշիվների սկզբնական մնացորդներն` ըստ արտարժույթների: Հաշվետվության սյուներն ունեն հետևյալ նշանակությունը.

Սյուն	Նշանակություն
Հաշիվ	Հաշվի կոդը:
Անվանում	Հաշվի անվանումը:
Արժ.	Արտարժույթի կոդը:
Գործընկեր	Ցույց է տալիս հաշվի հաշվառումն ըստ գործընկերների է, թե ոչ:
Սկզբ. մն. դեբետ արժ.	Հաշվի սկզբնական դեբետային մնացորդն արժույթով:
Սկզբ. մն. կրեդիտ արժ.	Հաշվի սկզբնական կրեդիտային մնացորդն արժույթով:
Սկզբ. մն. դեբետ դրամով	Հաշվի սկզբնական դեբետային մնացորդը դրամով:
Սկզբ. մն. կրեդիտ դրամով	Հաշվի սկզբնական կրեդիտային մնացորդը դրամով:

Հաշվետվությունից բացվող կոնտեքստային ցանկը կազմված է հետևյալ հրամաններից`

•Ավելացնել. այս հրամանի միջոցով կարելի է ավելացնել հաշվի նոր մնացորդներ: Հաշվի կոդը դաշտում լռությամբ լրացվում է ընթացիկ տողի հաշիվը, այն թույլատրվում է խմբագրել:

•Խմբագրել. այս հրամանի միջոցով կարելի է խմբագրել ընթացիկ հաշվով մնացորդի տողը, որի ժամանակ թույլատրվում է խմբագրել միայն մնացորդների դաշտերը:

•Հեռացնել. այս հրամանի միջոցով կարելի է հեռացնել ընթացիկ հաշվով մնացորդի տողը: Այն թույլատրվում է հեռացնել, եթե այդ հաշվով և համապատասխան արտարժույթով ոչ մի գործառնություն գրանցված չէ: Հաշվի մնացորդի տողը հեռացնելիս պահանջվում է լրացուցիչ հաստատում:

•Հեռացնել նշվածները. այս հրամանի միջոցով կարելի է խմբային հեռացնել նշված տողերը: Թույլատրվում է հեռացնել, եթե նշած հաշիվներով և համապատասխան արտարժույթով ոչ մի գործառնություն գրանցված չէ: Հաշվիների մնացորդների տողերը հեռացնելիս պահանջվում է լրացուցիչ հաստատում:

Ցանկացած հրաման կատարվում է այն հաշիվներով, որոնց համար հաշվառում ըստ գործընկերների նախատեսված չէ:

Հաշվի մնացորդները մուտք անելիս հաշվի է առնվում հաշվի տեսակը` Ակտիվային, Պասիվային կամ Ակտիվային կամ Պասիվային:

Ակտիվային տեսակի հաշիվների համար թույլատրվում է միայն դեբետային մնացորդների մուտքը:

Պասիվային տեսակի հաշիվների համար թույլատրվում է միայն կրեդիտային մնացորդների մուտքը:

Ակտիվային կամ Պասիվային տեսակի հաշիվների համար թույլատրվում է բոլոր մնացորդների մուտքը հետևյալ վերապահումով. թույլատրվում է միայն դեբետային կամ միայն կրեդիտային մնացորդների մուտքը: Դեբետային մնացորդների մուտքի դեպքում կրեդիտային մնացորդների դաշտերը պետք է լրացվեն զրոյով և հակառակը:

Բոլոր տիպի հաշիվների համար մնացորդը Ազգային դրամային միավորով մուտք է արվում միայն Սկզբ. մն. դեբետ արժ. կամ Սկզբ. մն. կրեդիտ արժ. դաշտով:

Հաշվի մնացորդները որևէ արտարժույթով մուտք անելիս ստուգվում է, որ այդ արտարժույթը հասանելի լինի տվյալ հաշվին:

Նշում
Հաշիվների սկզբնական մնացորդներ կարելի է ներմուծել MS Excel-ի OpeningBalances.xlsm ֆայլի InitRem էջի միջոցով, որը գտնվում է Import գրադարանում (Օրինակ` C:\Program Files\Armenian Software\AS-Accountant 7\Import ):

Հաշիվների սկզբնական մնացորդներ

Հաշիվների սկզբնական մնացորդներ