Ուղղորդիչ:  Վաճառակետ (POS) > Գործողություններ > Տվյալների ներմուծում

Համակարգում հնարավորություն է տրված խանութների համար ապահովել Վաճառակետերի ավտոնոմ (off-line) աշխատանքը, այսինքն Վաճառակետից կարելի է սպասարկել հաճախորդներին Գլխամասի (կենտրոնական ՏՊ-ի) հետ ցանցային կապի բացակայության դեպքում: Գլխամասում կատարվում են վաճառվող ապրանքացանկի ձևավորումը, մատակարարներից գնումները, գների մուտքագրումը և զեղչային համակարգի կառավարումը, իսկ  

Վաճառակետում կատարվում են միայն վաճառքների հետ կապված գործարքները: Գլխամասի և Վաճառակետերի միջև տվյալների փոխանակման գործընթացը ենթադրում է, որ տվյալների հետ աշխատանքները միարժեք բաժանված են:

Վաճառակետում առկա մի շարք տեղեկատուներ Գլխամասի տեղեկատուների հետ համապատասխանեցնելու համար նախատեսված է Տվյալների ներմուծում գործողությունը: Այս գործողությունով Վաճառակետում ավելացվում, խմբագրվում, ինչպես նաև հեռացվում են տեղեկատուները` Գլխամասի տեղեկատուների հետ համապատասխանեցնելու համար:

Ներմուծվող տեղեկատուների ցանկը հետևյալն է.

•Ապրանքների խմբեր

•Ապրանքներ և ծառայություններ

•Գծիկավոր կոդեր

•Ապրանքների չափման միավորներ

•Վաճառքի գներ

•Գործընկերների խմբեր

•Գործընկերներ

•Գործընկերների պայմանագրեր: