Գնումներ > Հաշվետվություններ > Ապրանքների գործողությունների մատյան

Հաշվետվությունը նախատեսված է ապրանքների հետ կատարված գործողությունների մասին տեղեկատվություն ստանալու համար: Այս հաշվետվությունը ստեղծելու համար բերվող դիալոգ պատուհանն ունի հետևյալ դաշտերը.

Դաշտ	Նշանակություն
Ժամանակահատված	Պարտադիր լրացվող ամսաթիվ տիպի դաշտերի զույգ է: Հաշվետվությունում կընդգրկվեն տվյալ ժամանակահատվածում կատարված գործողությունները։
Պահեստ	Կարելի է նշել մեկ կամ մի քանի պահեստներ։ Հաշվետվությունում կարտացոլվեն տվյալ պահեստով ապրանքների հետ կատարված գործողությունները, իսկ դաշտը դատարկ լինելու դեպքում` գործողությունները բոլոր պահեստներով։
Խումբ	Եթե դաշտի արժեքը լրացված է, ապա հաշվետվությունում արտացոլվում են միայն տվյալ խմբին պատկանող ապրանքների հետ կատարված գործողությունները, հակառակ դեպքում` բոլոր ապրանքների հետ կատարված գործողությունները։
Ապրանք	Եթե դաշտի արժեքը լրացված է, ապա հաշվետվությունում արտացոլվում են միայն տվյալ ապրանքի հետ կատարված գործողությունները, հակառակ դեպքում` բոլոր ապրանքների հետ կատարված գործողությունները։ Եթե Խումբ դաշտի արժեքը լրացված է, ապա ապրանքների ընտրման ցուցակից կարելի է ընտրել միայն տվյալ խմբին պատկանող ապրանքներ։
Գործողության տեսակ	կարելի է նշել մեկ կամ մի քանի գործողությունների տեսակներ։ Հաշվետվությունում կարտացոլվեն միայն նշված տեսակի գործողությունները, իսկ դաշտը դատարկ լինելու դեպքում` բոլոր գործողությունները։
Քանակները ցույց տալ լրացուցիչ չափման միավորով	Դրոշակը նշված լինելու դեպքում հաշվետվությունում քանակները բերվում են լրացուցիչ չափման միավորներով։
Ցույց տալ գումարները դրամով (Առանց ԱԱՀ)	Դրոշակը նշված լինելու դեպքում հաշվետվությունում երևում են ապրանքների ինքնարժեքները ներկայացված դրամով և առանց ԱԱՀ-ի։
Ցույց տալ գումարները դրամով (Ներառյալ ԱԱՀ)	Դրոշակը նշված լինելու դեպքում հաշվետվությունում երևում են ապրանքների ինքնարժեքները ներկայացված դրամով և ներառյալ ԱԱՀ-ն։
Ցույց տալ գումարները USD-ով	Դրոշակը նշված լինելու դեպքում հաշվետվությունում երևում են ապրանքների ինքնարժեքները ներկայացված USD-ով։
Ցույց տալ խմբաքանակները	Դրոշակը նշված լինելու դեպքում հաշվետվությունը կազմվում է բացված ըստ ապրանքների խմբաքանակների։ Այս դեպքում հաշվետվությունում ավելանում են խմբաքանակի հատկությունները ցույց տվող սյուներ (օգտագործման ժամկետ, երկիր, արտադրող և այլն)։
Ցույց տալ վաճառքի գները	Նշված լինելու դեպքում հաշվետվությունում կերևան նաև վաճառքի գները` վաճառքի փաստաթղթերի տողերում: Դրոշակը կարելի է նշել, եթե նշված է Ցույց տալ գումարները դրոշակներից գոնե մեկը:
Ենթագումար	Նշված լինելու դեպքում հաշվետվությունը խմբավորվում է ըստ ենթագումարների: Կարող է ընդունել հետևյալ արժեքները. 1 - Պահեստ, 2 - Խումբ, 3 - Ապրանք:

Ապրանքների գործողությունների մատյան հաշվետվությունում արտացոլվում է հետևյալ տեղեկատվությունը ապրանքների հետ կատարված գործողությունների մասին` գործողության տեսակը, գործողության կատարման ամսաթիվը, այն փաստաթղթի համարը, որի միջոցով գրանցվել է գործողությունը, պահեստը, ուր մուտքագրվել կամ ելքագրվել է ապրանքը և այլն։
Հաշվետվության կոնտեքստային ցանկից կարելի է դիտել հաշվետվության ընթացիկ տողի (փաստաթղթի) տպելու ձևը, խմբագրել այն կամ հեռացնել: