Համակարգն աշխատացնելիս կամ ցանկից Աշխատանքի սկիզբ հրամանն ընտրելիս բացվում է հետևյալ պատուհանը.
Լրացվում են ծրագիր մուտք գործելու համար անհրաժեշտ տվյալները․
Դաշտ |
Նշանակություն |
Օգտագործող |
Համակարգն Օգտագործողի անունը: |
Գաղտնաբառ |
Համակարգն Օգտագործողի գաղտնաբառը: |
Տվյալների պահոց |
Ընտրվում է այն տվյալների պահոցը, որի տվյալներով աշխատելու է Օգտագործողը: |
Համակարգն աշխատեցնելիս բացվում է հետևյալ պատուհանը.
Պատուհանում անհրաժեշտ է նշել Օգտագործողի Էլ. հասցեն և գաղտնաբառը: Մուտք հրամանը սեղմելուց հետո բացվում է հետևյալ պատուհանը.
Օգտագործողի տվյալները հնարավոր է հիշել` նշելով Հիշել Օգտագործողին նշիչ: Հիշել օգտագործողին նշիչը նշված թողնելու դեպքում նորից համակարգ մուտք գործելիս չի պահանջվի գաղտնաբառի մուտքագրում:
Աշխատանքի սկիզբ հիբրիդ պատուհանում առանձնացված են լոկալ և ամպային տարբերակները: Ամպային օգտագործողով հնարավոր է մուտք գործել ինչպես լոկալ համակարգչում գտնվող տվյալների պահոցներ, այնպես էլ ՀԾ սերվերային տարածքում գտնվող ամպային պահոցներ: Լոկալ տարբերակը ընտրելու դեպքում Տվյալների պահոց դաշտում կառաջարկվեն տվյալ համակարգչում կամ լոկալ ցանցում գտնվող տվյալների պահոցները: Ամպային տարբերակը նշելու դեպքում կառաջարկվեն տվյալ օգտագործողին հասանելի ամպային տվյալների պահոցները: Համակարգ մուտք գործելու համար անհրաժեշտ է ընտրել Տվյալների պահոցը, որի հետ աշխատելու է տվյալ օգտագործողը և սեղմել Կատարել կոճակը:
Հասանելի բանալիներ դաշտում ցուցադրվում են Օգտագործողին հասանելի ամպային բանալիները: Բանալու համարին սեղմելիս բացվում է Առցանց լիցենզիաներ պատուհանը.
Պատուհանում ցուցադրվում են այն Օգտագործողների տվյալները, որոնք տվյալ պահին միացած են նշված բանալուն: Գործող ծրագրեր հատվածում կարելի է տեսնել ակտիվ տվյալների պահոցի վերաբերյալ տվյալներ: Այս պատուհանից բանալու Գլխավոր օգտագործողը կարող է հեռացնել այլ օգտագործողների միացումները: