Համակարգի բոլոր փաստաթղթերի տպվող ձևանմուշները պահվում են Տպելու ձևանմուշներում: Յուրաքանչյուր փաստաթղթի տեսակ ունի առնվազն մեկ համակարգային տպելու ձևանմուշ: Օգտագործողը կարող է ավելացնել այլ ձևանմուշներ:
Տպելու ձևանմուշի ավելացումը կատարվում է հետևյալ պատուհանի միջոցով.
Տպելու ձևանմուշ պատուհանը պարունակում է հետևյալ դաշտերը.
Դաշտ |
Նշանակություն |
Կոդ |
Ձևանմուշի կոդը: Պարտադիր լրացվող դաշտ է: |
Անվանում |
Ձևանմուշի անվանումը: Պարտադիր լրացվող դաշտ է: |
Փաստաթղթի տեսակ |
Ընտրվում է փաստաթղթի տեսակը, որը պետք է տպվի տվյալ ձևանմուշով: Դաշտին կից ընտրման ցուցակում առաջարկվում են ծրագրում առկա փաստաթղթի տեսակները: |
Ակտիվ է |
Դրոշակը միացված լինելու դեպքում ձևանմուշը կարելի է ընտրել Դրույթների Տպելու ձևանմուշներ էջից կամ փաստաթղթի ժապավենից: |
Կախված Ձևանմուշի տեսակ սյան արժեքից Տպելու ձևանմուշների ընթացիկ տողի կոնտեքստային ցանկում կարող են լինել հետևյալ հրամանները.
•Ավելացնել. ավելացնել նոր Տպելու ձևանմուշ։
•Բացել․ բացել/խմբագրել Տպելու ձևանմուշը։ Ոչ համակարգային տպելու ձևանմուշների դեպքում խմբագրման ենթակա են Անվանում, Փաստաթղթի տեսակ դաշտերի արժեքներն ու Ակտիվ է ստուգավանդակը, իսկ համակարգային տպելու ձևանմուշների դեպքում` միայն Ակտիվ է ստուգավանդակը:
•Հեռացնել. հեռացնել Տպելու ձևանմուշը։
•Պատճենել. ստեղծել նոր նմանատիպ Տպելու ձևանմուշ՝ ընթացիկ ձևանմուշի տվյալներով լրացված:
•Ներմուծել ֆայլը. ընթացիկ ձևանմուշի վրա ներմուծել համակարգչի որևէ թղթապանակում գտնվող որևէ ձևանմուշ։
•Արտահանել ֆայլը.արտահանել Տպելու ձևանմուշը։
•Բացել ֆայլի թղթապանակը. բացել այն թղթապանակը, որտեղից ներմուծվել է Տպելու ձևանմուշը։
•Խմբագրել տպելու ձևանմուշը. խմբագրել ներքին տպելու ձևանմուշ տեսակի և REPX ֆորմատի ձևանմուշը։
•Փոխարկել XML-ի. ներքին տպելու ձևանմուշ տեսակի և REPX ֆորմատի ձևանմուշը փոխարկել XML ֆորմատի։