OLAP-ի հնարավորությունները ՀԾ-Բանկ համակարգում > Օգտագործողի OLAP խմբեր

ՀԾ-Բանկ համակարգում առկա են որոշակի համակարգային OLAP խմբեր, սակայն անհրաժեշտության դեպքում օգտագործողը կարող է ստեղծել սեփական OLAP խմբերը:

Օգտագործողի խմբերի ավելացումը իրականացվում է «OLAP ադմինիստրատորի ԱՇՏ» -> «Օգտագործողի OLAP խմբերի տեղեկատու» կետից։ Սեփական խմբերի ստեղծումը հիմնված է Օգտագործողի նկարագրված հաշվետվությունների (UserReports) վրա։ Այսինքն, նախքան սեփական խումբը ստեղծելը պետք է ստեղծել համապատասխան Օգտագործողի նկարագրված հաշվետվությունը և համոզվել, որ այն աշխատում է։ Նշենք կարևոր հանգամանքները, որոնց վրա պետք է ուշադրություն դարձնել Օգտագործողի նկարագրված հաշվետվությունը ստեղծելիս.

1.Համոզվեք, որ հաշվետվության հաշվարկի ժամանակ բերվում են ճիշտ այն սյուները, որոնք ցանկալի է տեսնել արտահանված հաշվետվության մեջ։ Ավելորդ սյուները պետք է ջնջել։

2.Եթե օգտագործողի կողմից նկարագրվող հաշվետվության դաշտերի կառուցվածքը հաճախակի փոփոխության է ենթարկվում օգտագործողների կողմից, ապա այն հարմար չէ OLAP արտահանելու համար։ Նշվածը պայմանավորված է այն հանգամանքով, որ տվյալների պահոցում յուրաքանչյուր խմբի համար ստեղծվում է առանձին աղյուսակ, որի կառուցվածքը, յուրաքանչյուր անգամ հաշվետվության դաշտերի փոփոխության դեպքում, նույնպես անհրաժեշտ է փոփոխել։

3.Անցանկալի խմբագրումների դեպքերը բացառելու նպատակով ցանկալի է սահմանափակել օգտագործողների խմբագրման իրավասությունները այն հաշվետվությունների համար, որոնց հիման վրա ստեղծվել են OLAP –ի խմբեր։

Օգտագործողի խումբը ավելացվում է սովորական խմբի պես, պարզապես «Խմբի տիպ» դաշտի արժեքը պետք է լինի 5։

Դաշտերի անվանում	Նկարագրություն
Խմբի կոդ	Խմբի կոդը
Խմբի անվանում	Խմբի անվանումը
Անգլերեն անվանում	Խմբի անվանումը
Խմբի ընդունում	Այս դաշտերի միջոցով սահմանվում են տեքստային ֆայլերով խմբի ներմուծման հնարավորությունը և թույլատրելի ժամանակահատվածը, որի համար խմբերը կարող են ներմուծվել համակարգ։ Նշված հնարավորությունը օգտագործվում է օֆլայն ռեժիմով աշխատող մասնաճյուղից տեքստային ֆայլերով տվյալների ներմուծումը կարգավորելու համար։
Սկզբի ամսաթիվ
Վերջի ամսաթիվ
Խմբի տիպ	Օգտագործողի խմբի դեպքում այս դաշտում լրացվում է «05»
Օրական արտահանվող խումբ	Այս դաշտը նշելու դեպքում խմբի արտահանման ժամանակ լռությամբ կառաջարկվի արտահանել այն օրական կտրվածքով։

Խումբը ավելացնելուց հետո բեռնվում է «OLAP-ի խումբ (օգտագործողի նկարագրված)» տեսակի փաստաթուղթ` խմբի կառուցվածքը մանրամասն նկարագրելու համար։

Փաստաթղթի դաշտերն են`

Դաշտի անվանում	Նկարագրություն
Հաշվետվության տեսակ	Խմբի հանգույցը։ Հանգույցները նկարագրվում են «OLAP ադմինիստրատորի ԱՇՏ» Ò «Օգտագործողի հաշվետվություններ» կետից։ Այստեղից հնարավոր է նաև դիտել հանգույցի տակ խմբավորված խմբերը ինչպես նաև նրանց հիման վրա հաշվարկել հաշվետվությունները։
Խմբի կոդ	Արտահանվող OLAP խմբի կոդը։
Խմբի անվանում	Խմբի անվանումը
Անգլերեն անվանում	Խմբի անվանումը
Օգտագործողի հաշվետվություն	Այս դաշտում լրացվում է այն օգտագործողի կողմից նկարագրվող հաշվետվության կոդը, որը հաշվարկվելու է խմբի արտահանման ժամանակ։
Աղյուսակի անվանում տվյալների պահոցում	Այս դաշտում լրացվում է տվյալների հենքում այն աղյուսակի անունը, որտեղ ֆիզիկապես պահվելու են արտահանվող տվյալները։ Այն լրացվում է անգլերեն լեզվով, պետք է սկսվի տառով, չպարունակի հատուկ սիմվոլներ(*,&,#,@,?,! և այլն)։ Աղյուսակները ստեղծվում են հատուկ usr. սխեմայով։ Աղյուսակի լրացված օրինակ` CARDTRANS (տվյալների բազայում usr.CARDTRANS)։
Սկզբի և վերջի ամսաթվերի պարամետրերի դաշտերը	Այս դաշտերում լրացվում են օգտագործողի կողմից նկարագրվող հաշվետվության այն պարամետրերի անվանումները, որոնց միջոցով խմբի արտահանման ժամանակ պետք է փոխանցվեն հաշվետվության հաշվարկի սկզբի և վերջի ամսաթվերը։ Եթե հաշվետվությունը հաշվարկվում է միայն մեկ օրվա համար ապա լրացվում է միայն սկզբի ամսաթիվը։ Եթե արտահանվող հաշվետվությունը չունի ամսաթվերի պարամետր, ապա այս դաշտերը չեն լրացվում։
Խմբի կառուցվածքը	Այս ցուցակը լրացվում է ավտոմատ կերպով` Օգտագործողի հաշվետվությունը ընտրելուց հետո։ Այս ցուցակը համապատասխանում է խմբի աղյուսակի կառուցվածքին տվյալների բազայում։ Խմբագրման ենթակա են` միայն սյուների անվանումները և «Ինդեքս», «Ֆիլտր», «Կրկ.», «Ընդ.» դաշտերը։ «Ֆիլտր», «Կրկ.», «Ընդ.» դաշտերի նկարագրությունը տրված է սույն ձեռնարկի «Հաշվետվությունների արտահանում», արտահանված տվյալների դիտում» մասում։ «Ինդեքս» դաշտի արժեքների հիման վրա աղյուսակի համար տվյալների բազայում ստեղծվելու է ինդեքս` տվյալների որոնումը արագացնելու համար։ Դաշտի արժեքներն են` 1,2,3 և այլն (առաջին, երկրորդ, երրորդ... խմբավորում)։ Սակայն այս արժեքները պետք է նշել միայն 2-3 սյուների համար, ավելի շատ սյուների համար այն նշելը անիմաստ է և նույնիսկ կարող է դանդաղեցնել տվյալների որոնումը։

Նշված բոլոր դաշտերը լրացնելուց հետո անհրաժեշտ է սեղմել «Կատարել» կոճակը, որից հետո այն կավելանա «Օգտագործողի OLAP խմբերի տեղեկատուի» մեջ։