Վաճառքներ/Գնումներ > Հաշվետվություններ > Վաճառքների վերլուծություն

Հաշվետվությունը նախատեսված է կազմակերպության վաճառքները վերլուծելու համար։ Հաշվետվությունում երևում են վաճառքի ինքնարժեքները, վաճառքի գումարները և վաճառքից ստացված օգուտները/վնասները` գումարային ներկայացմամբ։ Այս հաշվետվությունը կանչելու համար բերվող դիալոգ պատուհանն ունի հետևյալ դաշտերը.

Դաշտ	Նշանակություն
Ժամանակահատված	Պարտադիր լրացվող ամսաթիվ տիպի դաշտերի զույգ է: Հաշվետվության մեջ ընդգրկվում են տվյալ ժամանակահատվածում կատարված վաճառքները։
Խումբ	Եթե դաշտի արժեքը լրացված է, ապա հաշվետվությունում արտացոլվում են միայն տվյալ խմբին պատկանող ապրանքները, հակառակ դեպքում` բոլոր ապրանքները:
Ապրանք	Եթե դաշտի արժեքը լրացված է, ապա հաշվետվությունը կազմվում է միայն տվյալ ապրանքի համար, հակառակ դեպքում` բոլոր ապրանքների համար։ Եթե Խումբ դաշտի արժեքը լրացված է, ապա ապրանքների ընտրման ցուցակից կարելի է ընտրել միայն տվյալ խմբին պատկանող ապրանք։
Գնորդ	Եթե դաշտի արժեքը լրացված է, ապա հաշվետվությունը կազմվում է միայն տվյալ գործընկերոջ համար, հակառակ դեպքում` բոլոր գործընկերների համար։
Խմբավորել ըստ	Հաշվետվությունը կարելի է կանչել խմբավորված ըստ ապրանքների կամ ըստ գործընկերների։ Այդ դեպքում հաշվետվության մեջ միևնույն ապրանքների (գործընկերներին) վաճառքները երևում են մեկ տողով։

Հաշվետվության կոնտեքստային ցանկից կարելի է Խմբագրել (CTRL+E), Դիտել տպելու ձևը (F5): Եթե հաշվետվությունը խմբավորված է ըստ Գործընկերների կամ ըստ Ապրանքների, ապա այս հրամանները հասանելի չէ։