Ուղղորդիչ:  Առաջին մակարդակ ՀԴՄ-ի համակցման ուղեցույց

ՀԾ-Վաճառատեղ համակարգի հետ ՀԴՄ սարքը համակցելու համար առաջին հերթին անհրաժեշտ է ապահովել ցանց ՀԴՄ սարքի և այն համակարգչի միջև, որի վրա տեղադրված է Վաճառատեղը:

Ցանցն ապահովելուց հետո կարող ենք սկսել համակցումը:

1. Գլխավոր էջից ընտրենք ՀԴՄ-ի կարգավորումները։

2. Միացնենք ՀԴՄ սարքը և սպասենք, որ գործարկվի ՀԴՄ ծրագիրը՝ բարեհաջող անցնելով անհրաժեշտ ստուգումները։

 
Եթե նշված կետերից որևէ մեկը չանցնի բարեհաջող, անհրաժեշտ է դիմել ՀԴՄ սպասարկող կազմակերպությանը: Ցանկին կարող ենք ծանոթանալ Oգտագործողի ձեռնարկից` ընտրելով ՀԴՄ սարքերի տեսակները բաժինը։ Յուրաքանչյուր մոդելի համար կտեսնենք սպասարկող կազմակերպության կոնտակտային տվյալները, ինչպես նաև ՀԴՄ օգտագործողների համար սովորաբար կիրառվող մուտքանունն ու գաղտնաբառը: Ադմինիստրատորի և ծրագրի օգտագործողի տվյալներն օգտագործվելու են կարգավորումները կատարելիս:
 
3. ՀԴՄ ծրագրի բարեհաջող գործարկումից հետո կբացվի մուտքի պատուհանը։ Մուտք գործենք ադմինիստրատորի կարգավիճակով։ Մեր օրինակում լրացնենք Համարը՝ 2, Գաղտնաբառը՝ 2։  

Սեղմենք Մուտք կոճակը։

2. Ընտրենք Արտաքին ծրագրերի կառավարում հրամանը։ Բացվում է հետևյալ պատուհանը.

3.  Վաճառատեղ ծրագրում վերադառնանք ՀԴՄ կարգավորման պատուհանին և համապատասխանեցնենք դաշտերի արժեքները ՀԴՄ սարքում ցուցադրվող տվյալների հետ:

ՀԴՄ IP հասցե դաշտում մուտքագրենք ՀԴՄ սարքի համապատասխան արժեքը: Լրացնելուց հետո կարող ենք ստուգել կապը ՀԴՄ սարքի հետ։

Պորտ դաշտում ՝ թե ծրագրում  և թե ՀԴՄ սարքում լրացնենք 1025։

ՀԴՄ գաղտնաբառ դաշտում լրացվում է ՀԴՄ սարքի համանուն դաշտի արժեքը։ Եթե այն դատարկ է, անհրաժեշտ է սեղմել Գեներացնել կոճակը:

Ավտոմատ համակարգի IP հասցե դաշտում ցուցադրվում է տվյալ համակարգչի IP հասցեն։ Այն նույնությամբ լրացնենք ՀԴՄ սարքում:  

Հաջորդ դաշտում նշվում է ՀԴՄ սարքում օպերատորին կցված բաժինը (այն կարելի է տեսնել ՀԴՄ սարքից` մտնելով Տվյալների կառավարում և Բաժիններ)։ Մեր օրինակում ՀԴՄ բաժնի համարը 1 է, դա նույնությամբ լրացնենք ՀԾ-Վաճառատեղ ծրագրում։

ՀԴՄ օպերատորը և օպերատորի գաղտնաբառը մեր օրինակում 3 է:

ՀԴՄ սարքում նշենք հետևյալ դրոշակները.

✓Ակտիվացնել կապը արտաքին ծրագրի հետ,

✓ Տպել կտրոնը ՀԴՄ տպիչով։

               

ՀԴՄ սարքում սեղմենք Պահպանել:

4. Համակցման կարգավորումները տրված են: Ստուգելու համար կարող ենք ծրագրից տպել փորձնական կտրոնի նմուշ` սեղմելով հրամանը:

Տեղեկացնենք, որ նմուշում արտացոլված 20 000 դրամ գումարը չի ներառվում հարկատուի ՀԴՄ հասույթի մեջ:

ՀԴՄ սարքի հետ համակցման քայլերին կարելի է ծանոթանալ նաև հոլովակի միջոցով: