Ուղղորդիչ:  Առաջին մակարդակ Աշխատանք փաստաթղթերի հետ

Տեղեկատվությունը համակարգ է մուտքագրվում փաստաթղթերի միջոցով: Փաստաթղթերն արտացոլվում են տարբեր մատյաններում և հաշվետվություններում:

Ստորև նկարագրված են փաստաթղթի ընդհանուր բաժինները.

 

 

Արագ հասանելիության վահանակ: Պատուհանի վերևի մասում երևում են հաճախ օգտագործվող գործողությունները`

•Հիշել (CTRL+S)

•Հիշել և փակել (CTRL+ENTER)

•Հիշել և նոր (CTRL+K)

•Դիտել

Փաստաթուղթը գրանցվում է Հիշել  , Հիշել և փակել  , Հիշել և նոր   կոճակները սեղմելիս, այն տարբերությամբ, որ Հիշել և փակել կոճակը սեղմելիս պատուհանը փակվում է, իսկ Հիշել և նոր կոճակը սեղմելիս թույլատրվում է լրացնել ու գրանցել հերթական փաստաթուղթը:

Այս վահանակը կարելի է ցուցադրել Ժապավենի վերևում կամ ներքևում` Բերել արագ հասանելիության վահանակը ներքևում/վերևում հրամանի միջոցով:

 

Ժապավեն: Ժապավենը, ինչպես գլխավոր պատուհանը, պարունակում է կոճակներ և էջեր, որոնք ակտիվ են կախված նրանից, թե օգտագործողը փաստաթղթում որտեղ է գտնվում  և ինչ գործողություն է կատարում:

 

Գլխավոր մաս: Այս հատվածում տեղադրված դաշտերը երևում են անկախ ընտրված էջից: Բոլոր փաստաթղթերում այս մասում են Ամսաթիվ, Փաստաթղթի համար դաշտերը: Նոր փաստաթղթին համակարգն ավտոմատ վերագրում է համար, որը մեկով ավելի է նախորդ գրանցված փաստաթղթի համարից: Որպես փաստաթղթի ամսաթիվ առաջարկվում է Ժապավենում տեղադրված Ընթացիկ ամսաթիվ դաշտի արժեքը:

 

Էջեր: Փաստաթղթի պատուհանը կարող է կազմված լինել մեկ կամ մի քանի էջերից: Տեղեկատվությունն ըստ բովանդակության լրացվում է առանձնացված էջերում: Տվյալները մուտքագրելու համար անհրաժեշտ է ընտրել համապատասխան էջը: