Ուղղորդիչ:  Առաջին մակարդակ Գործընկերոջ տվյալների (վավերապայմանների) ավտոլրացում

ՀԾ-Հաշվետար 6 համակարգում 6.0.7 տարբերակից սկսած կարելի է գործընկերների տվյալներն ավտոմատ լրացնել` նշելով միայն ՀՎՀՀ կամ անվանումը: Այս հնարավորությունը թույլ է տալիս ստանալ գործընկերոջ վերաբերյալ արդիական տվյալներ և ավտոմատ լրացնել համակարգում: Ծառայությունն անվճար է, անհրաժեշտ է միայն ինտերնետ կապ:
Նոր ավելացվող գործընկերոջ տվյալների ավոտմատ լրացման համար տեղեկատուում անհրաժեշտ է լրացնել ՀՎՀՀ կամ Անվանում դաշտը, սեղմել դաշտին կից կոճակը:

ՀԾ Պատվերների Հարթակում տվյալ ՀՎՀՀ-ով կամ Անվանումով գրանցված տվյալների առկայության դեպքում դրանք ավտոմատ կլրացվեն գործընկերոջ տեղեկատուում: Կարող են լրացվել հետևյալ տվյալները.

•ՀՎՀՀ

•Անվանում

•Լրիվ անվանում

•Իրավաբանական հասցե

•Գործունեության հասցե

•Ղեկավարի Ա.Ա.Հ.

•Ղեկավարի պաշտոն

•Հաշվապահի Ա.Ա.Հ

•Հաշվապահի պաշտոն

•Հաշվարկային հաշիվներ:
 

Հնարավոր է տեղեկատուի տվյալները համեմատել ՀԾ Պատվերների Հարթակի տվյալների հետ: Համեմատելու համար անհրաժեշտ է սեղմել ՀՎՀՀ դաշտին կից կոճակը:

ՀԾ Պատվերների Հարթակի տվյալներով տեղեկատուն թարմացնելու համար անհրաժեշտ է սեղմել ՀՎՀՀ կամ Անվանում դաշտին կից  կոճակը:

ՀԾ Պատվերների Հարթակի տվյալներում անճշտություններ կամ հին տվյալներ նկատելու դեպքում օգատգործողը կարող է ուղարկել տվյալների փոփոխման հայտ, որն ուսումնասիրելուց հետո հարթակում կկատարվեն անհրաժեշտ փոփոխությունները: