Հաշվապահություն > Տեղեկատուներ

Գործընկերների և նրանց ռեկվիզիտների տեղեկատուն է: Որպես Գործընկեր մուտքագրվում են մատակարարները, գնորդները, առհաշիվ անձինք և այլն:

Տեղեկատուի գրանցումը կազմակերպվում է 3 էջից կազմված պատուհանների միջոցով, որի էջերն են` Ընդհանուր, Հաշվարկային հաշիվներ և Լրացուցիչ հասցեներ։

partners

partners1

partners3

Լրացվում են հետևյալ դաշտերը.

Դաշտ	Նշանակություն
Կոդ	Պարտադիր լրացվող դաշտ է, հանդիսանում է գործընկերոջ կոդը: Որպես նոր ավելացվող գործընկերոջ կոդ համակարգն ավտոմատ առաջարկում է վերջին ավելացված գործընկերոջ կոդի հաջորդը:
Անվանում	Գործընկերոջ անվանումը: Պարտադիր լրացվում է:
Լրիվ անվանում	Գործընկերոջ լրիվ անվանումը (255 տառաթվանիշ): Օգտագործվում է փաստաթղթերի տպվող ձևերում:
Խումբ	Հանդիսանում է գործընկերոջ խմբի կոդը:
ՀՎՀՀ	Հանդիսանում է գործընկերոջ հարկ վճարողի հաշվառման համարը:
Իրավ. հասցե	Լրացվում է գործընկերոջ իրավաբանական հասցեն:
Գործ. հասցե	Լրացվում է գործընկերոջ գործունեության իրականացման վայրի հասցեն:
Ղեկավարի Ա.Ա.Հ.	Գործընկերոջ ղեկավարի ազգանուն, անուն, հայրանունը:
Ղեկավարի պաշտոն	Գործընկերոջ ղեկավարի պաշտոնը:
Հաշվապահի Ա.Ա.Հ	Գործընկերոջ հաշվապահի ազգանուն, անուն, հայրանունը:
Հաշվապահի պաշտոն	Գործընկերոջ հաշվապահի պաշտոնը:
Ա/Ձ-ի պետ. գրանց. վկ. N	Եթե տվյալ գործընկերն անհատ ձեռնարկատեր է, ապա այստեղ լրացվում է նրա պետական գրանցման վկայականի համարը:
Անձնագրի համար	Լրացվում է գործընկերոջ անձնագրի համարը:
Վճարման հիմնական նպատակ	Լրացվում է վճարման հիմնական նպատակը:
Հաշվարկային հաշիվ	Գործընկերոջ հաշվեհամարն է: Հետագայում ավելացնելու համար կարելի է օգտագործել նաև Գործընկերների հաշվարկային հաշիվներ տեղեկատուն:
Հաշվարկային հաշվի անվանում	Որպես հաշվարկային հաշվի անվանում առաջարկվում է բանկի անվանումը։
Հիմնական	Նշվում է հաշվարկային հաշվի հիմնական լինելը։ Հաշվարկային հաշիվներից միայն մեկը կարող է լինել հիմնական։ Հիմնական հաշվարկային հաշիվը փաստաթղթերում լռությամբ առաջարկվում է:
Լրացուցիչ հասցեներ	Լրացվում են գործունեության լրացուցիչ հասցեները:

Գրանցված տեղեկատուի Այլ ներդիրից կարելի է կանչել գործընկերոջ հաշվետվությունները, ինչպես նաև ուղարկել գործընկերոջ տվյլաները ՀԾ Պատվերների Հարթակ համակարգ*:

Այս գործողությունները կարելի է կատարել նաև համապատասխան հրամաններով:

Ներմուծել գործընկերների տվյալները XML-ից հրամանը նախատեսված է e-invoicing համակարգից արտահանված հարկային հաշիվներում նշված ՀՀՎՀ-ներով գործընկերներ ավելացնելու համար: Այս հրամանով ընտրվում է արտահանված XML ֆայլը և ՀԾ Պատվերների Հարթակ համակարգից ավտոմատ բեռնվում են տվյալ ՀՎՀՀ-ով գործընկերոջ տվյալները:

* Տես ավելին`
Գործընկերոջ տվյալների (վավերապայմանների) ավտոլրացում