Աշխատավարձ > Փաստաթղթեր > Հաստատել հավելում/պահումը

Որոշ հնարավորություններ, որոնք նկարագրված են տվյալ բաժնում, հասանելի են միայն ՀԾ-Հաշվապահ 9 տարբերակում:

Հաստատել հավելում/պահումը փաստաթուղթը նախատեսված է որևէ աշխատակցի կամ ստորաբաժանման աշխատակիցների համար նախօրոք սահմանված հավելում/պահումը հաստատելու համար:

Այս փաստաթուղթն ունի հետևյալ տեսքը.

Salary.Documents.ConstFeesHolds

Դաշտ	Նշանակություն
Ամսաթիվ	Փաստաթղթի ստեղծման ամսաթիվը: Համակարգն ավտոմատ առաջարկում է ընթացիկ ամսաթիվը:
Փաստաթղթի N	Հաստատել հավելում/պահումը փաստաթղթի համարը: Համակարգն ավտոմատ առաջարկում է Դրույթներում նշված հերթական համարը: Այն առաջարկվում է նաև CTRL+M ստեղների համադրությունը կամ դաշտին կից կոճակը:
Հավելում/պահում	Լրացվում է հաստատվող հավելում/պահումը, որը նախօրոք նշանակված է որպես աշխատակցի(ների) հասանելի հավելում/պահում: Պարտադիր լրացվող դաշտ է:
Ստորաբաժանում	Լրացվում է ստորաբաժանման կոդը: Լրացված ստորաբաժանման բոլոր աշխատակիցների համար կհաստատվի հավելում/պահումը:
Ժամերը խմբագրելիս չվերահաշվարկել գումարը (Հասանելի է միայն 9-րդ տարբերակում)	Դրոշակը դրված լինելու դեպքում փաստաթղթում ժամերը խմբագրելիս Հաշվարկված գումարը չի վերահաշվարկվում:
Մեկնաբանություն	Փաստաթղթի վերաբերյալ մեկնաբանություն:

Ստորաբաժանում դաշտը դատարկ լինելու դեպքում հավելում/պահումը կհաստատվի կազմակերպության բոլոր աշխատակիցների համար:

Ցուցակում տող ստեղծելու և հեռացնելու համար նախատեսված են հետևյալ ստեղները.

Պատկեր	Նշանակություն
	Ավելացնել տվյալ փաստաթղթին անհրաժեշտ նոր տող:
	Ցուցակում ավելացնել նոր տող` պատճենելով ընթացիկ տողի արժեքները:
	Հեռացնել ընթացիկ տողը:

Լրացնել կոճակը սեղմելիս` Աշխատակիցներ ցուցակում լրացվում են այն աշխատակիցները, որոնց համար նշանակված է տվյալ հավելումը կամ պահումը: Այդ ցուցակում սյուներն ունեն հետևյալ նշանակությունները.

Սյուն	Նշանակություն
Ստորաբաժանում	Լրացվում է ստորաբաժանման կոդը:
Տաբելային համար	Նշվում է աշխատակցի տաբելային համարը:
Անվանում	Լրացվում է աշխատակցի անուն, ազգանուն, հայրանունը:
Օր	Նշվում է աշխատակցի աշխատած օրերի քանակը: Օրերի քանակը նվազեցվում է Արձակուրդայինի, Նպաստի և Բացակայության (Ըստ ժամանակահատվածի) օրերի քանակի չափով:
Ժամ	Նշվում է աշխատակցի աշխատած ժամերի քանակը: Ժամերի քանակը նվազեցվում է Արձակուրդայինի, Նպաստի և Բացակայության (Ըստ ժամանակահատվածի) ժամերի քանակի չափով:
Հաշվարկված գումար	Լրացվում է աշխատակցին հաշվարկված գումարը:
Մեկնաբանություն	Նշվում է ոչ լրիվ ամիս, եթե աշխատակցի աշխատած օրերը քիչ են տաբելով հաստատված օրերից:

Հավելում/պահումը հաստատելու համար Աշխատակիցներ ցուցակում լրացված և հաշվարկված են սահմանված հավելում/պահումի օրերի և ժամերի քանակը, ինչպես նաև հաշվարկված գումարը: Այստեղ օրերի քանակը խմբագրելիս համամասնորեն հաշվարկվում և լրացվում են ժամերի քանակն ու հաշվարկված գումարը: Ժամերի քանակը խմբագրելիս վերահաշվարկվում է միայն հաշվարկված գումար դաշտը: Եթե նշված է Ժամերը խմբագրելիս չվերահաշվարկել գումարը դրոշակը, ապա ժամերը խմբագրելիս գումարը չի վերահաշվարկվում: Հաշվարկված գումար դաշտը խմբագրելիս մյուս դաշտերը փոփոխման չեն ենթարկվում:

Փաստաթուղթը գրանցվում է Հիշել , Հիշել և փակել , Հիշել և նոր կոճակները սեղմելիս, այն տարբերությամբ, որ Հիշել և փակել կոճակը սեղմելիս պատուհանը փակվում է, իսկ Հիշել և նոր կոճակը սեղմելիս թույլատրվում է լրացնել ու գրանցել հերթական փաստաթուղթը: Սևագիր կոճակի միջոցով փաստաթուղթը հիշվում է սևագիր վիճակում, այսինքն այն չի արտացոլվում համակարգի ոչ մի հաշվառման մեջ: Դա ծառայում է միայն փաստաթղթի դաշտերում մուտքագրված արժեքները հիշելու, իսկ այնուհետև փաստաթուղթը լրացուցիչ ստուգելուց հետո գրանցելու համար:

Հաստատել հավելում/պահումը փաստաթուղթը կարելի է գրանցել նաև Աշխատանք աշխատակիցների հետ մատյանի վրայից բացվող կոնտեքստային ցանկից: Այս դեպքում գործողությունը կարելի է կատարել նաև նշված տողերի աշխատակիցների համար:

Նշում
Հաստատել հավելում/պահում փաստաթուղթը հնարավոր է ներմուծել MS Excel-ի WGConstFeeHoldGroupImport.xlsm ֆայլի միջոցով, որը կարելի է գտնել Օգնություն ներդիրի Ներմուծման ֆայլեր հրամանով բացվող Import գրադարանում (Օրինակ` C:\Program Files\Armenian Software\AS-Accountant 7\Import ):

Նշում

Հաստատել հավելում/պահում փաստաթուղթը հնարավոր է ներմուծել MS Excel-ի WGConstFeeHoldGroupImport.xlsm ֆայլի միջոցով, որը կարելի է գտնել Օգնություն ներդիրի Ներմուծման ֆայլեր հրամանով բացվող Import գրադարանում (Օրինակ` C:\Program Files\Armenian Software\AS-Accountant 7\Import ):