Ուղղորդիչ:  Առաջին մակարդակ Մոբայլ հավելված

ՀԾ-Հաշվապահ մոբայլ հավելվածը նախատեսված է ՀԾ-Հաշվապահ համակարգի ամպային տարբերակն օգտագործողների համար: Այն հնարավորություն է տալիս օնլայն միանալ ամպային տվյալների պահոցներին և դիտել տվյալներ: Շատ հարմար է հատկապես կազմակերպության ղեկավարի և գլխավոր հաշվապահի համար, քանի որ ցանկացած վայրից կարելի է վերահսկել հաշվառումը, վերլուծել և կայացնել որոշումներ: 

Հավելվածը հասանելի է և Android և iOS օպերացիոն համակարգերով աշխատող սմարթֆոնների և պլանշետների համար: 

 

Մոբայլ հավելվածի տեղադրման քայլերը

 

Ստորև տեղադրված են համապատասխան QR կոդեր, որոնք սկանավորելով կարելի է բեռնել հավելվածը:

 

           

 

Քայլ 1.  Ձեր հեռախոսի տեսախցիկի միջոցով սկանավորեք QR կոդը.

 

 

Քայլ 2.  Հայտնված կոճակի միջոցով անցեք դեպի App Store կամ Play Market.

 

     

 

Քայլ 3.  Բեռնեք հավելվածը.

 

 

 

Հավելվածի գլխավոր էջում առանձնացված է 6 հիմնական բաժին.

•Հաշվապահություն բաժնում կարելի է հետևել հաշիվների մնացորդներին և կանչել հաշվի գործառնությունների մատյանը:

•Գործընկերներ բաժնում հնարավորություն է տրված հետևել գործընկերների մնացորդներին և շարժին: Կարելի է դիտել գործընկերոջ կոնտակտային տվյալները և անմիջապես հավելվածից կիրառել զանգելու, հաղորդագրություն կամ էլ. նամակ ուղարկելու հրամաններ:

•Նյութական արժեքներ բաժնում կարելի է դիտել դրանց քանակային մնացորդը` ըստ պահեստների և գործող գներով: Հնարավոր է նաև վերլուծել շարժը:

•Աշխատակիցներ բաժնից բացվում է տեղեկատուն, ցուցադրվում են աշխատակցի անձնական տվյալները, կարելի է նաև կանչել հաշվարկային թերթիկ:

•Փաստաթղթեր  բաժինը նախատեսված է համակարգում գրանցված բոլոր տեսակի փաստաթղթերը տեսնելու համար:

•e-Invoicing բաժնում նկարագրվում են e-Invoicing համակարգի միջոցով կատարվող գործողությունները և դրանց արդյունքները:

 
Ցուցանիշներ բաժինը նախատեսված է վերլուծական դիագրամների համար, որոնք օգտակար են կազմակերպության վիճակն ու դինամիկան գնահատելու համար:

 
  կոճակով բացվում է կազմակերպության տվյալները, օգնությունը և այլ կարգավորումները: