Հաշվապահություն > Հաշվետվություններ > Անալիտիկ հաշվետվություններ

Անալիտիկ հաշիվների մնացորդներ հաշվետվությունը նախատեսված է որևէ հաշվի կամ հաշիվների անալիտիկ խմբերի տարբեր հոդվածների մնացորդների մասին տեղեկատվություն ստանալու համար: Այս հաշվետվությունը ստեղծելու համար բերվող դիալոգ պատուհանն ունի հետևյալ դաշտերը.

Դաշտ	Նշանակություն
Ամսաթիվ	Պարտադիր լրացվող դաշտ է: Հաշվետվությունում կարտացոլվեն անալիտիկ հաշիվների մնացորդները նշված օրվա դրությամբ:
Հաշիվ	Նշվում է հաշվի համարը: Հաշվետվության մեջ կընդգրկվեն այս դաշտում լրացված հաշվի և նրա ենթահաշիվների մնացորդները: Չլրացնելու դեպքում կընդգրկվեն բոլոր հաշիվների մնացորդները:
Գործընկեր	Լրացվում է գործընկերոջ կոդը:
Արժույթ	Լրացվում է արժույթը, ըստ որի կառուցվում է հաշվետվությունը:
Հաշվետվության արժույթ	Պարտադիր լրացվող դաշտ է: Նշվում է հաշվետվության արժույթը` 1 - ԱԴՄ-ով, 2 - Արտարժույթով, 3 - ԱԴՄ-ով և արտարժույթով միաժամանակ:
Հաշվի պատկանելիության բաժին	Պարտադիր լրացվող դաշտ է: Նշվում է հաշվի պատկանելիության բաժինը` 1 - Հաշվեկշռային, 2 - Արտահաշվեկշռային կամ 3 - Բոլորը:
Անալիտիկ խումբ 1	Նշվում է Անալիտիկ խումբ 1-ի այն հոդվածը, որի համար ստեղծվում է հաշվետվությունը:
Անալիտիկ խումբ 2	Նշվում է Անալիտիկ խումբ 2-ի այն հոդվածը, որի համար ստեղծվում է հաշվետվությունը:
Ցույց տալ զրոյական տողերը	Նշված լինելու դեպքում հաշվետվությունում կընդգրկվեն նաև զրոյական մնացորդ ունեցող հաշիվները:

Դիալոգ պատուհանում աշխատանքը նկարագրված է Պարամետրեր բաժնում:

Անալիտիկ հաշիվների մնացորդներ հաշվետվությունում երևում է հաշվի մնացորդը (դեբետ-կրեդիտ) նշված օրվա վերջում:

Հաշվետվության ընթացիկ կամ նշված տողերի համար կոնտեքստային ցանկից կարելի է կանչել Անալիտիկ հաշիվների փակում և Անալիտիկ հաշիվների վերագնահատում հրամանները: