ՀՀ ԿԲ, ինչպես նաև այլ հաշվետվությունների ստացումը իրականացվում է` ինչպես անալիտիկ,այնպես էլ OLAP ենթահամակարգում ձևավորված ագրեգատների հիման վրա։ Ագրեգատները իրենցից ներկայացնում են պարբերաբար (օրական կամ ժամանակահատվածի համար) հաշվարկված տվյալների խմբեր։ Օրինակ` սինթեթիկ հաշիվների մնացորդներ և շրջանառություն, հաշիվերի թղթակցություններ, պայմանագրեր ըստ ռիսկայնության և այլն։

OLAP արտահանված տվյալները հնարավոր է օգտագործել տարբեր հաշվետվությունների ստացման համար` ինչպես ՀԾ-Բանկ համակարգից, այնպես էլ MS Excel միջավայրում։ OLAP-ի պահոց արտահանված տվյալների օգտագործումն իրականացվում է հատուկ ֆունկցիաների միջոցով։

Ինտեգրված լինելով MS Excel միջավայրի հետ` հնարավոր է ստանալ տարաբնույթ ֆինանսական և վիճակագրական տվյալներ, կատարել վերլուծություններ, ամփոփել դրանք տարաբնույթ սխեմաների, աղյուսակների և պատկերավոր գրաֆիկների միջոցով։

Այս ամենն իրագործելիս օգտագործողին հասանելի են նաև ՀԾ-Բանկ  համակարգի ներքին ֆունկցիաները, որոնք թույլ են տալիս բեռնել փաստաթղթերի, նրանց ռեկվիզիտների և կատարված գործողությունների հետ կապված տվյալները։ Օգտագործողի կողմից նկարագրվող հաշվետվություններում հնարավոր է օգտագործել նաև OLAP –ի պահոց արտահանված խբերի տվյալները։ Օգտագործողի նկարագրվող խմբերի հիման վրա ՀԾ-Բանկ օգտագործողը կարող է ստեղծել նաև սեփական ֆունկցիաները, որոնք նույնպես կարելի է կիրառել և ՀԾ-Բանկում, և MS-Excel-ում։