Ուղղորդիչ |
  
|
Ուղղորդիչ |
|
Ուղղորդիչը հանդիսանում է գլխավոր պատուհանի հիմնական հատվածներից և ապահովում է անմիջական մատչելիությունը համակարգի բոլոր բաղադրիչներին: Այս տարածքում ցուցադրվում են ընթացիկ բաժնին վերաբերվող փաստաթղթերը, գործողությունները, հաշվետվությունները և տեղեկատուները: Համակարգ մուտք գործելիս այն պատկերվում է ձախ կողմում: Ուղղորդիչը կարելի է դարձնել ինքնաբար թաքցվող, միացնել այն գլխավոր պատուհանի տարբեր հատվածներին կամ անջատել և ցուցադրել այն առանձին պատուհանում:
Բացել ենթահամակարգը
Ուղղորդիչում միաժամանակ ցուցադրվում է մեկ ենթահամակարգի պարունակությունը: Այդ պահին այլ բաժինները գտնվում են փակ վիճակում և իրենց համապատասխան կոճակները ցուցադրվում են ուղղորդչի ներքևի հատվածում: Յուրաքանչյուր ենթահամակարգի կոճակ ունի իր պատկերանշանը, որը բնութագրում է բաժնի պարունակությունը: Եթե որևէ կոճակ չի տեղավորվում այդ հատվածում, ապա այն ցուցադրվում է կից ցանկում, Ցանկը կարելի է բացել կտտացնելով ներքևի աջ անկյունում գտնվող կոճակին: Դուք կարող եք օգտագործել հորիզոնական տրոհիչը ցանկից դուրս ցուցադրվող կոճակների թիվը կառավարելու համար:
Համակարգ մուտք գործելիս ցուցադրվում է այն բաժինը, որն ակտիվ էր համակարգից դուրս գալուց:
Բաժինը բացելու համար սեղմեք համապատասխան կոճակը կամ CTRL և համապատասխան ենթահամակարգի հերթական համարի թվային ստեղների համադրությունը:
Ուղղորդիչը դարձնել ինքնաբար թացվող
Կտտացնել Ուղղորդչի անվանագոտում գտնվող Auto Hide կոճակը:
Թաքցված ուղղորդչի պատուհանը բացվում է, երբ մկնիկի սլաքը բերվում է ուղղահայաց պատկերված Ուղղորդիչ կոճակի վրա:
