Հաշվապահություն > Փաստաթղթեր > Վճարման հանձնարարագիր

Վճարման հանձնարարագիրը օգտագործվում է հաճախորդի բանկային հաշիվներից վճարումներ կատարելու համար:

Փաստաթղթի տեսքը հետևյալն է.

Payment Order

Դաշտ	Նշանակություն
Ամսաթիվ	Վճարման հանձնարարագրի ստեղծման ամսաթիվը: Համակարգն ավտոմատ առաջարկում է ընթացիկ ամսաթիվը:
Փաստաթղթի N	Վճարման հանձնարարագրի հերթական համարը: Համակարգն ավտոմատ առաջարկում է փաստաթղթի հերթական համարը: Այն առաջարկվում է նաև` սեղմելով CTRL+M ստեղների համադրությունը կամ դաշտին կից կոճակը: Նշում: Այս փաստաթղթի հերթական համարը համապատասխանում է Դեբետ հաշիվ.N դաշտում լրացված հաշվարկային հաշվին համապատասխանող համարակալմանը: Փաստաթղթի N դաշտը լրացվում է դրույթներից, եթե Հաշվարկային հաշիվներ բանկում տեղեկատուի մեջ այդ հաշվարկային հաշվին համապատասխանող Փաստաթղթի հերթական համար դաշտը լրացված չէ:
Վճարողի անվանում	Ավտոմատ առաջարկվում է Դրույթների կազմակերպության էջից: Հնարավոր է խմբագրել:
ՀՎՀՀ	Հարկ վճարողի հաշվառման համարը: Ավտոմատ առաջարկվում է համակարգի դրույթներից: Հնարավոր է խմբագրել:
Դեբետ բանկ	Վճարողի բանկի անվանումը: Ավտոմատ ձևավորվում է համակարգի կողմից՝ Դեբետ հաշիվ.N դաշտի արժեքի հիման վրա:
Դեբետ հաշիվ.N	Վճարողի հաշվի համարը բանկում, որից պետք է կատարվի վճարումը: Ավտոմատ առաջարկվում է Տեղեկատուի Հաշիվներ էջից: Հնարավոր է խմբագրել:
Արժույթ	Այս դաշտը խմբագրման ենթակա չէ: Դաշտում ավտոմատ լրացվում է Դեբետ հաշիվ.N դաշտում լրացված հաշվարկային հաշվի արժույթը:
Գործընկեր	Այս դաշտում կարելի է լրացնել գործընկերոջ կոդը: Եթե Գործընկերներ տեղեկատուում տվյալ գործընկերը գրանցված չէ` նրան կարելի է ավելացնել անմիջապես այս պատուհանից` սեղմելով կոճակը: Գործընկերոջը խմբագրելու համար սեղմել կոճակը:
Ստացողի անվանումը	Ավտոմատ լրացվում է գործընկերոջ անվանումը: Հնարավոր է խմբագրել:
Ստացողի բանկ	Ստացողի բանկի անվանումը: Ավտոմատ ձևավորվում է համակարգի կողմից՝ Կրեդիտ հաշիվ.N դաշտի արժեքի հիման վրա:
Կրեդիտ հաշիվ.N	Ստացողի հաշվի համարը բանկում, հնարավոր է խմբագրել: Համակարգը հնարավորություն է տալիս ընտրել հաշիվը գործընկերներ տեղեկատուից: Այդ տեղեկատուից տող ընտրելու դեպքում ավտոմատ լրացվում են Ստացողի անվանում, Ստացողի բանկ և Վճարման նպատակ դաշտերը: Եթե ընտրված գործընկերն ունի մեկից ավելի հաշվարկային հաշիվներ, ապա համակարգը հնարավորություն է տալիս ընտրել հաշիվը գործընկերների հաշվարկային հաշիվներ տեղեկատուից:
Գումար արժ.	Վճարողի հաշվից դուրս գրվող գումարը` հաշվարկային հաշվի արժույթով:
Գումար դրամով	Գումար արժ. դաշտում լրացված գումարի դրամային համարժեքը:
Վճարման նպատակ	Վճարման նպատակը:

Գործառնություններ մասում ձևակերպվում են փաստաթղթի գործառնությունները: Ձևակերպման ամսաթիվ դաշտով տրվում է գործառնությունների ձևակերպման ամսաթիվը, որի սկզբնական արժեքը համընկնում է փաստաթղթի ստեղծման ամսաթվի հետ: Այն չի թույլատրվում լրացնել ավելի փոքր ամսաթվով: Տիպային գործողություն դաշտի միջոցով կարելի է ընտրել որևէ տիպային գործողություն համապատասխան տեղեկատուից: Այս դաշտը հասանելի է միայն այն դեպքում, երբ ոչ մի գործառնություն լրացված չէ: Թղթակցող հաշիվ դաշտում լրացվում է հաշվարկային հաշվի հետ դեբետում թղթակցող հաշվային պլանի հաշիվը։ Համակարգը հնարավորություն է տալիս ընտրել հաշիվը Հաշվային պլան տեղեկատուից:

Գործառնությունների համար նախատեսված են հետևյալ արագ հասանելի կոճակները.

Պատկեր	Նշանակություն
	Ավելացնել տվյալ փաստաթղթին անհրաժեշտ նոր գործառնություն:
	Գործառնությունների ցուցակում ավելացնել նոր տող` պատճենելով ընթացիկ տողի արժեքները:
	Գործառնություններից հեռացնել ընթացիկ տողը:
	Հեռացնել բոլոր լրացված գործառնությունների տողերը: Բոլոր գործառնությունները հեռացնելուց հետո, հասանելի է դառնում գեներացնել գործառնությունները կոճակը:
	Գործառնությունների գեներացման կոճակը հասանելի է, երբ ոչ մի գործառնության տող լրացված չէ: Գործառնության տողը ստեղծվում է փաստաթղթի Գործընկեր, Գումար արժ., Գումար դրամով, Թղթակցող հաշիվ դաշտերի ու Դեբետ հաշիվ.N դաշտում նշված հաշվարկային հաշվի արժեքի հիման վրա: Գործառնության գոնե մեկ տողի առկայության դեպքում այս կոճակի փոխարեն հայտնվում է Գործառնությունների խմբագրման ռեժիմ (թույլատրված-արգելված) կոճակը: Գործառնությունը գեներացնելուց հետո այն խմագրելու համար հարկավոր է անցում կատարել Գործառնությունների խմբագրման ռեժիմին:

Վճարման հանձնարարագիր փաստաթուղթը գրանցվում է Հիշել , Հիշել և փակել , Հիշել և նոր կոճակները սեղմելիս, այն տարբերությամբ, որ Հիշել և փակել կոճակը սեղմելիս պատուհանը փակվում է, իսկ Հիշել և նոր կոճակը սեղմելիս թույլատրվում է լրացնել ու գրանցել հերթական փաստաթուղթը: Սևագիր կոճակի միջոցով փաստաթուղթը հիշվում է սևագիր վիճակում, այսինքն այն չի արտացոլվում համակարգի ոչ մի հաշվառման մեջ: Դա ծառայում է միայն փաստաթղթի դաշտերում մուտքագրված արժեքները հիշելու, իսկ այնուհետև փաստաթուղթը լրացուցիչ ստուգելուց հետո գրանցելու համար:

Վճարման հանձնարարագիր փաստաթուղթ կարելի է ստեղծել անմիջապես Պահեստի մուտքի օրդեր, Ստացված ծառայություններ և ԱԱ-ի ձեռքբերում և շահագործման հանձնում փաստաթղթերի հիման վրա: Դա անելու համար պետք է փաստաթղթերի մատյանում կանգնել փաստաթղթի տողի վրա և կոնտեքստային ցանկից ընտրել Ստեղծել փաստաթղթի հիման վրա... հրամանը: Արդյունքում բացվում է նոր Վճարման հանձնարարագիր փաստաթուղթ, որի հիմնական դաշտերը լրացված են հիմք փաստաթղթի համապատասխան դաշտերի արժեքներով:

Նշում
Վճարման հանձնարարագրերը կարելի է ներմուծել MS Excel-ի PayOrderGroupImport.xls ֆայլի միջոցով, որը գտնվում է Import գրադարանում (Օրինակ` C:\Program Files\Armenian Software\AS-Accountant 6\Import ):