Ուղղորդիչ:  Աշխատանքային միջավայր > Մուտքագրման դաշտեր > Աշխատանք թվային տիպի դաշտերի հետ

Բացել/Փակել թաքցված տեքստը

Թվային տիպի դաշտերում կարելի է մուտքագրել միայն թվեր՝ դրական կամ բացասական:

Արժեքը կարելի է խմբագրել ստեղնաշարից, հաշվել կցված հաշվիչով կամ պատճենել այն օպերացիոն համակարգի փոխանակման բուֆերից (windows clipboard- հիշողության տիրույթ է, որը օգտագործվում է տվյալների ժամանակավոր պահպանման համար: Այն կարող է օգտագործվել աշխատող մի քանի կիրառական ծրագրերի կողմից համատեղ):

Բացասական թվերն արտապատկերվում են կարմիր գույնով, նշանն առջևից.

Թիվը ջնջելու համար օգտագործվում են DELETE, BACKSPACE կամ ESC ստեղները: Դատարկ արժեքը զրոն է (0):

Թվերն արտապատկերվում են տրոհված հազարյակներով:

'-' (մինուս ստեղնը) ստեղնով դրական թիվը դառնում է բացասական, իսկ բացասականը՝ դրական:

Սլաք վերև աճեցնում է, իսկ Սլաք ներքև  նվազեցնում է արժեքը:

Խմբագրելիս կոտորակային մաս կարելի է անցնել սեղմելով '.' (կետ ստեղնը):

 

Հաշվիչ

Հաշվիչը ցուցադրելու համար անհրաժեշտ է կատարել հետևյալ կետերից որևէ մեկը.

•սեղմել աջ մասում գտնվող Սլաք ներքև կոճակը,

•սեղմել F4 կամ PAGEDOWN ստեղնը,

•սեղմել CTRL+Սլաք ներքև ստեղների համադրությունը:

Հաշվիչով կատարված հաշվարկների արդյունքն անմիջապես ցուցադրվում է դաշտում:

 

Հաշվիչը փակելու համար անհրաժեշտ է կատարել հետևյալ կետերից որևէ մեկը.

•սեղմել աջ մասում գտնվող Սլաք ներքև կոճակը,

•կտտացնել հաշվիչից դուրս տարածքում,

•սեղմել F4 ստեղնը,

•սեղմել CTRL+ENTER ստեղների համադրությունը: