Պահեստ > Մատյաններ > Տեղափոխման փաստաթղթերի մատյան

Մատյանում արտապատկերվում են տեղափոխման փաստաթղթերը: Այս մատյանի դիալոգ պատուհանը ունի հետևյալ դաշտերը.

Դաշտ	Նշանակություն
Ժամանակահատված	Պարտադիր լրացվող ամսաթիվ տիպի դաշտերի զույգ է: Մատյանում կընդգրկվեն միայն այդ ժամանակահատվածում գրանցված փաստաթղթերը:
Վիճակ	Փաստաթղթի վիճակը: Մատյանում կընդգրկվեն Սևագիր կամ Գրանցված վիճակում գտնվող փաստաթղթերը: Դաշտը դատարկ լինելու դեպքում` կընդգրկվեն և’ սևագիր, և’ գրանցված փաստաթղթերը:

Մատյանի սյուները պարունակում են փաստաթղթի հետևյալ դաշտերի տվյալները.

Դաշտ	Նշանակություն
Ամսաթիվ	Ստեղծման ամսաթիվը:
Փաստաթղթի N	Հերթական համարը:
Սերիա և համարս	Հարկային մարմնի կողմից ստացված սերիա-համարը: Այս դաշտը կարելի է լրացնել ձեռքով կամ ավտոմատ` օգտվելով Տեղափոխման փաստաթղթերի սերիա-համարների վերագրում գործողությունից:
Գումար	Հիմնական գումարը:
Դուրս գրման ա/թ	Փաստաթղթի դուրս գրման ամսաթիվը:
Մեկնաբանություն	Մեկնաբանություն փաստաթղթի վերաբերյալ:
Վիճակ	Փաստաթղթի վիճակը: Փաստաթուղթը կարող է գտնվել Սևագիր, Գրանցված կամ հեռացված վիճակներում: Ի տարբերություն Գրանցված վիճակի, Սևագիր վիճակում փաստաթուղթը չի արտացոլվում համակարգի ոչ մի հաշվառման մեջ և այն ծառայում է միայն փաստաթղթի դաշտերում մուտքագրված արժեքները հիշելու համար: Փաստաթղթերի վիճակը կարելի է փոխել խմբագրման ժամանակ:
Գործառնություն	Դրոշակ է, որը ցույց է տալիս տվյալ փաստաթղթի գործառնությունների գրանցված լինելը:
Օգտագործող	Օգտագործողի անունը: Նշվում է այն օգտագործողի անունը, ով վերջինն է աշխատել (գրանցել կամ խմբագրել) տվյալ փաստաթղթի հետ:
Վերջին փոփոխություն	Փաստաթղթի վերջին խմբագրման ամսաթիվը և ժամը:

Մատյանի ընթացիկ տողի փաստաթղթին վերաբերվող գործողություններն են.

•Ավելացնել. ավելացնել նոր փաստաթուղթ:

•Դիտել տպելու ձևը. դիտել փաստաթղթի տպվող տեսքը:

•Խմբագրել. խմբագրել փաստաթուղթը:

•Հեռացնել. հեռացնել փաստաթուղթը:

•Ստեղծել պատճեն. ստեղծվում է նոր նմանատիպ փաստաթուղթ` լրացված ընթացիկ փաստաթղթի տվյալներով:

•Փաստաթղթի պատմություն. բերվում է հաշվետվություն փաստաթղթի գրանցման և խմբագրման վերաբերյալ: Ցուցադրվում է, թե որ Օգտագործողի կողմից և երբ են կատարվել փոփոխությունները:

•Տեղաշարժի փաստաթղթերի XML արտահանում. Տեղաշարժի փաստաթղթերն արտահանում է XML ֆորմատով ֆայլ, որն այնուհետև կարող է ներմուծվել հարկային մարմնի E-Invoicing ծրագիր:

Մատյանի վերնագիրը պարունակում է հաշվետու ժամանակահատվածը: Ցանկացած պահի թարմացնել CTRL+R սեղմելով` կստանաք նոր, թարմացված մատյանն ըստ այդ ժամանակահատվածի: