Ուղղորդիչ:  Առաջին մակարդակ b2b.armsoft հարթակ

b2b.armsoft հարթակը ինտերնետային գործարար միջավայր է, որը էապես արդյունավետ է դարձնում կազմակերպությունների համագործակցությունը: 

Հարթակը թույլ է տալիս անմիջապես ՀԾ-Հաշվապահ համակարգից օգտվել մի շարք օգտակար տեղեկատվական ծառայություններից և կազմակերպել փաստաթղթերի էլեկտրոնային փոխանակում Ձեր գործընկերների հետ:

 

Հայաստանի կազմակերպությունների տեղեկատվական ծառայություն 

b2b.armsoft հարթակում առկա է իրավաբանական անձանց և անհատ ձեռնարկատերերի տվյալների լայնածավալ շտեմարան:

Ծառայությունը հնարավորություն է տալիս անմիջապես ՀԾ-Հաշվապահ համակարգից կատարել.

•գործընկերոջ տվյալների ստուգում ՀՎՀՀ-ով կամ անվանումով,

•գործընկերոջ տվյալների ավտոմատ լրացում ՀՎՀՀ-ով կամ անվանումով,

•սեփական տվյալների հրապարակում (թարմացում) հարթակում, 

•գործընկերոջ տվյալների հրապարակում (թարմացում) հարթակում: 

Հայաստանի կազմակերպությունների տեղեկատուն արդիական պահպանելու համար կարևոր է պարբերաբար թարմացնել գրանցումները: 

ՀԾ-Հաշվապահ համակարգի օգտագործողներին հնարավորություն է տրված b2b.armsoft հարթակում ավտոմատ թարմացնել սեփական կազմակերպության տվյալները այդպիսով հնարավորություն տրամադրել այլ օգտագործողներին օգտվել ճշգրիտ տվյալներից:

 

 

Պատվիրողների քարտեզ

Հայկական Ծրագրեր ընկերությունը իրականացնում է Հայաստանում ապրանքներ պատվիրողների (խանութներ, գրասենյակներ) քարտեզագրում:

Քարտեզում մուտքագրված տվյալները հասանելի են b2b.armsoft հարթակում գրանցված մատակարար կազմակերպությունների համար:

Արդեն գրանցված են 13000-ից ավելի պատվիրողների տվյալներ:

 

Փաստաթղթերի էլեկտրոնային փոխանակում գործընկերների հետ

b2b.armsoft հարթակը թույլ է տալիս անմիջապես ՀԾ-Հաշվապահ համակարգից կազմակերպել հետևյալ փաստաթղթերի և տեղեկատուների էլեկտրոնային փոխանակում գործընկերների հետ:

•Պատվեր մատակարարներին,

•Հաշիվ-ապրանքագրերի,

•Փոխանցման հաշիվների (մշակման փուլում է), 

•Փոխհաշվարկների ստուգման ակտերի (մշակման փուլում է),

•Ապրանքների և ծառայությունների անվանացանկեր:

Էլեկտրոնային փոխանակման համար անհրաժեշտ է, որ կողմերը (Դուք և Ձեր գործընկերը) հանդիսանան b2b.armsoft հարթակի մասնակից:

b2b.armsoft հարթակի մասնակից դառնալու համար անհրաժեշտ է զանգահարել ՀԾ սպասարկման կենտրոն 060 69 00 00 հեռախոսահամարին: