Հաշիվներ |
  
|
Հաշիվներ |
|
Հաշիվներ էջի տեսքը հետևյալն է.
Այստեղ լրացվում են փաստաթղթերում օգտագործվող որոշ հաշիվների նախնական արժեքները: Փաստաթղթեր գրանցելիս այդ հաշիվների արժեքներն ավտոմատ լրացվում են համակարգի կողմից: Այս էջը խմբագրելու համար օգտագործողը պետք է ունենա ադմինիստրատորի կարգավիճակ:
Հաշվարկային հաշիվ տողում նշված հաշիվն օգտագործվում է Վճարման հանձնարարագիր փաստաթղթի գործառնությունները գեներացնելիս:
Վերագնահատումից օգուտներ և Վերագնահատումից վնասներ հաշիվներն օգտագործվում են վերագնահատման գործողություններում:
Արտարժույթի փոխարկման տարանցիկ հաշիվը, Արտարժույթի փոխարկումից օգուտներ և Արտարժույթի փոխարկումից վնասներ հաշիվներն օգտագործվում են Արտարժույթի փոխարկում փաստաթղթում:
Ինտերնետ բանկից ներմուծման կրեդիտային հաշիվ և դեբետային հաշիվ տողերում նշված հաշիվներն օգտագործվում են, երբ Ներմուծում ԻնտերնետԲանկ համակարգից մատյանից կատարվում է Ստեղծել Հիշարար օրդեր հրամանը:
ԱԱՀ-ի կրեդիտային հաշիվն օգտագործվում է Հաշիվ-Ապրանքագիր փաստաթղթում` ԱԱՀ-ի հաշիվ դաշտը լրացնելու համար:
ԱԱՀ-ի դեբետային հաշիվ և Եկամտային հարկի կրեդիտային հաշիվ տողերում նշված հաշիվները օգտագործում են Ստացված ծառայություն փաստաթղթի գործառնություններ գեներացնելիս:
ՆԱ վաճառքից հասույթի հաշիվն օգտագործվում է Հաշիվ-Ապրանքագիր փաստաթղթի գնացուցակում տող ավելացնելիս` որպես Հասույթի հաշիվ դաշտի առաջարկվող արժեք:
ՆԱ մանրածախ վաճառքից հասույթի հաշիվն օգտագործվում է Վաճառք (Մանրածախ) փաստաթղթի գնացուցակում տող ավելացնելիս` որպես Հասույթի հաշիվ դաշտի առաջարկվող արժեք: